Utoqqaliguit ulluinnarni atugarnut nammineq aalajangiisarnivit attatiinnarnissaanut periarfissaqartillutit ulluinnarni toqqissisimanissarnut Sisimiut Kommuneata ikiussavaatit.
Pensionisiaqartutut inuuneq sammisaqarfiujuassaaq, inuillu amerlanerpaat inuunerminni inuutissarsiuteqartillutik aqqusaartagaat assigalugit kulturikkut nalinginnaasumillu aaqqiissuussinernut, asiarnernut, timi atorlugu sammisassaqartitsinernut, ilinniartitaanernut angalanernullu peqataanissamut periarfissaqartinneqarnissat Sisimiut Kommuneata utoqqarnut politikkini aqqutigalugu anguniarpaa.
Nammineernissamut ikiorserneqarneq
Sapinngisamik nammineq pisariaqartitatit kissaatitillu naammassisinnaanngorlugit njugaqarnissar inuuneqarnissallu kommunep qulakkiissallugu aamma suliassaraa. Tamatuma saniatigut pensionisiaqartutut ulluinnarni inuuneq aamma imminut ikiorninngortikkumallugu, utoqqaat ulluinnarni atukkaminnut namminneq sunniuteqaqataanissaat siuarsassallugu kommunemi sulissutigineqarpoq.
Periarfissat taakku ilinnit periarfissaajuartikkumallugit utoqqarnik isumaginninneq illit allallu pisariaqartitaannut naapertuuttunngorsartuarnissaa Sisimiut Kommuneani ataavartumik sulissutigineqartarpoq. Tamanna ilaatigut sulisut ilinniarteqqittarnerisigut, pitsaasumik najugaqartitsinissap qulakkeertuarneratigut kiisalu ulluinnarni suliassanik namminneq isumaginnissinnaanngitsut ikiorserneqartarnerisigut pisarpoq.
Anguniakkat
Kommunemi utoqqarnut pensionisiaqartunullu ullutsinnut naleqquttunik atoruminartunillu Sisimiut Kommunea kiffartuussisinnaajuarnissaa anguniarneqarpoq, taamaaliornikkut kikkut tamat ulluinnarni toqqissisimallutillu ilorrisimaarniassammata.
Ilaatigut quppernerni tulinnguuttuni utoqqalilluni inuuneq annertunerusumik paasisaqarfigisinnaavat:
Utoqqalineq pissutigalugu pensionisiat, utoqqalinersiffiit ilanngullugit
Utoqqarnut sammisassaqartitsiniutit
Najugaqarfiit
Ikiorsiineq paaqqutarinninnerlu
Utoqqaat peqatigiiffiat
Utoqqaat siunnersuisoqatigiivi