Qeqqata Kommuniani utoqqaat namminneq siulersuisoqarlutik timersornermik peqatigiiffiliorsimapput. Timersornermik peqatigiiffik utoqqarnik eqaarsaartitsinissamik allatigullu timersuutinik aallussinissaannut namminneq pilersaarusiorlutillu ingerlatitsisarput. Ilaatigut Nuummi aasaanerani naapeqatigiinnissamut peqataanikuupput.
Peqatigiiffiup suliaanut kommune aningaasatigut tapersersiisarnermigut ikiorsiisarpoq, taamaaliornikkullu kommunemi utoqqaat timitsigut sammisaqartarnerisigut peqqissuunissaannut kajumissaaqataarusulluni.
Timigissartarfik
Kommunemi utoqqarnut immikkoortortaqarfik timikkut piginnaanngorsaasumik isumaqatigiissusiorsimavoq, taassuma utoqqaat Sisimiuni timigissartarfimmik atuisinnaanissaat qulakkiissavaa.
Utoqqaat ulluinnarni timiminnik atuinissaminnik pisariaqartitsinerusut akulikitsumik timigissartarsinnaanissaannik qulakkeerinnittussaallutik timikkut piginnaanngorsaasoq kommunemilu angerlarsimaffimmi ikiortit suleqatigiinnissaat siunertarineqarpoq.