Ulluunerani sammisassaqartitsivik - Sisimiut

Utoqqarnut sammisassaqartitsivik Sisimiuni utoqqaat angerlarsimaffianiippoq, innuttaasunullu 63-ileereersimasunut assigiinngitsorpassuarnik sammisassanik neqeroorutaateqarluni.

Sooruna utoqqarnut sammisassaqartitsiveqartoq?
Sisimiut Kommuneani utoqqaat sammisassaqartinneqarnissaat siunertaralugu ulluunerani sammisassaqartitsivik pilersinneqarpoq, tassani timikkut inuttulluunniit ineriartornissamut periarfissaqarputit aammallu piginnaassutsikkut sammisartakkavit ingerlatiinnarnissaannut ikinngutinnullu attaveqaannarnissarnut periarfissaqarlutit.

Kommunemi utoqqarnut sammisassaqartitsivik eqeersimaartumik nuannersumillu ingerlanissaanut ulluinnarni suliassanut illit atuisartutut nammineq peqataassaatit. Taamaaliornikkut sammisassaqartitsivimmi uummaarissumik ingerlanissamut illit allallu ulluinnarni inuunissinnut nukittorsaaqanissamut peqataassaatit.

Sammisassaqartitsiniutit
Ullormut suliatit eqqarsaatigalugit soqutigisatit aallaaviussapput, pisariaqartinneqartullu aallaavigalugit sammisassaqartitsivimmi sammisassat assigiinngitsut neqeroorutigineqartarlutik. Assersuutigalugu tullinnguuttuni peqataasinnaavutit:
 

• Eqaarsaartitsinernut
• Pitsorluttunut ataatimoortumik eqaarsaatitsinernut
• Sannavinni soqutigisanik sammisaqarnernut, soorlu assassorneq sananeq il.il.
• Iganeq iffiorneq
• Imilersarissanik qalipaanerit
• Pinnguaatit – soorlu inukkat allalluunniit
• Erinarsorneq
• Isiginnaartitsinerit

…allarpassuillu

Sammisassat imminnut atanatik ingerlanneqartarput, taamaalillunilu utoqqarnut sammisassaqartitsivimmi sammisassat assigiinngitsut ataatsikkut ingerlanneqartarlutik. Tamatuma saniatigut sannaviit atorneqanngitsut nammineq kajumissutsimik atorneqarsinnaapput.

Nerisarneq
Utoqqaat angerlarsimaffianni utoqqaat nereqatiginissaannut neriartorsinnaavutit. Neriartornissaq ullormik ataatsimik sioqqutsilluni inniminniisoqarsinnaavoq, nerinerlu ataaseq 30 kr.-eqarluni.

Kaffe, te kaagillu ullaap tungaani ualikkullu pisiarineqarsinnaapput, taakkununngalu akigitat utoqqaat angerlarsimaffiani nivinngaavimmi takusassiarineqarlutik.

Ammasarfii
Ulluinnarni ullaakkut nal. qulingiluanit ualikkut sisamap tungaanut ammasarpoq. Ilaatigut unnukkut ingerlanneqartartunik oqalugiartunik, katerisimaarnernik il.il. aaqqissuussisoqarsinnaasarpoq. Pisariqartinneqartillugu utoqqaat arlalinngorlutik ulluunerani sammisassaqartitsivik unnukkut sapaatip akunnerataluunniit naanerani aamma atorsinnaavaat.