Sisimiuni Knud Rasmussenip Højskolea suleqatigalugu utoqqarnut højskolertitsisarneq 2002-miilli aaqqissuuttalerpaa.
Siullermeertumik højskolertitsinermi pensionertut 60-it peqataapput, taakkunanngalu amerlanersaat Sisimiuneersuullutik. Ukioq siullermit misilittakkat pitsaangaarmata 2003-mi utoqqarnut nuna tamakkerlugu højskolertitsisoqartalerpoq, 2007-imilu Knud Rasmussenip Højskoleani nuna tamakkerlugu højskolertitsisoqaqqilluni.
Siusinaartumik pensionisiaqartut højskolertitsinermut peqataanissaminnut aamma periarfissaqarput, periarfissatillugu pillugit annertunerusumik paasisaqarusukkuit Qeqqata Kommunianut saaffiginnissuteqarnissarnut tikilluaqqusaavutit.