Utoqqalilluta sulisinnaajunnaarsimagutta imaluunniit utoqqalilluta nammineq kissaatigalugu sulerusukkunnaarsimagutta, ulluinnarni inuunitsinnut aningaasatigut ikiorserneqarnissatsinnut periarfissaqarpugut. Qeqqata Kommuniani, soorlu Kalaallit Nunaanni tamani periarfissaasoq, 65-inik ukioqalernermiit utoqqalineq pissutigalugu pensionisisinnaalissaatit.
15-it 65-illu akornanni ukioqarninni minnerpaamik ukiuni pingasuni Kalaallit Nunaanni, Danmark-imi imaluunniit Savalimmuni najugaqarsimaguit, pensionisisarnivillu aallartinnerani Kalaallit Nunaanni imaluunniit nunat avannarliit arlaanni imaluunniit nunami EØS pillugu isumaqatigiissummik akuersisimasumi aalajangersumasumik najugaqarsimaguit, utoqqalineq pissutigalugu pensionisiaqarsinnaatitaavutit.
Qanoq ilillunga utoqqalineq pissutigalugu pensionisiaqalissaanga?
Oqaatigineqareersutut 65-inik ukioqalernerniit utoqqalineq pissutigalugu pensionisiaqalersinnaatitaalissaatit. Kommunemi Isumaginninnermi Suliffissaqartitsiniarnermilu ingerlatsivimmut imaluunniit nunaqarfinni kommunep allaffiinut saaffiginnissuteqarnikkut pensionisiaqalernissamut qinnuteqassaatit.
Aningaasat qanoq annertutigisut pissarsiarissavakka?
Qaammatit naanerini pensionit siumoortumik tunniunneqartarput, akissarsiaqaatigalugulu suliffeqarnersutit apeqqutaalluni utoqqalineq pissutigalugu pensionisiat annertussusilerneqartarlutik. Utoqqalineq pissutigalugu pensionisiavit saniatigut akissarsiaqaruit, imaluunniit aappavit isertitai aallaavigalugit tunniussassat annertussusilerneqartarput.
Tamatuma saniatigut isertitatigut killissarititaasoq akigititallu pillugu Namminersornerullutik Oqartussartussat paasissutissanik assigiinngitsunik kaajallaatitatigut katersinikuupput.
Illilli pisinnaatitaaffiit naapertorlugu utoqqalineq pissutigalugu pensionisiassavit pissarsiarinissaa pingaarnerpaavoq, paatsuungassuteqassaguillu Qeqqata Kommunianut saaffiginnissuteqarnissarnut tikilluaqqusaavutit, tassani apeqquteqaaternut tunngatillugu ikiorserneqarumaaravit.
Qeqqata Kommunia
Makkorsip aqq. 2
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail