Attartortakkami imaluunniit utoqqarnut inissiami najugaqaruit, taava ineqarnermut tapiissutinik qinnuteqarsinnaavutit. Isertitatit inilu najukkat qanoq angitiginersoq aallaavigalugu ineqarnermut tapiissutinik qinnuteqaatit kommunemit suliarineqartarpoq.
Ineqarnermut tapiissutinit qinnuteqarneq naatsorsuinerlu
Ineqarnermut tapiissutinik qinnuteqaruit, taava attartornermi isumaqatigiissutivit assilinera ilanngullugu tunniutissavat, tamatumalu saniatigut najugaqatigiillusi ataatsimut isertitasi pillugit paasissutissiissallutit.
Najugaqativit ineqarnermut tapiissutissinissamut periarfissaat uumap toqqarneratigut naatsorsorsinnaavatit.
Eqqaamassavalli qinnuteqaatit immersorsimasat kommunerisavit nalilersortartussaammagu. Qinnuteqaateqarfissaq uumap toqqarneratigut aasinnaavat.
Paasissutissat annertunerusut
Annertunerusumik apeqqutissaqaruit, kommunemit siunnersorneqarnissamik ilitsersorneqarnissamilluunniit ikiuisinnaasumut saaffiginnissuteqarsinnaavutit. Inissiani attartortittakkani ineqarnermut tapiissutit pillugit Inatsisartut peqqussutaat uumap toqqarneratigut nammineerlutit aamma atuarsinnaavat.