Angerlarsimaffiit ulluinnarni ilinnut pingaarnerpaavoq, taamaattumillu atugarissaarnissat ilorrisimaarnissallu qulakkeerumallugit najukkat illit iluarisarnik pisatsersorneqarnissaa pingaaruteqarluni. Tamanna tunuliaqutaralugu atugassarititatigut pitsaasumik toqqissisimanartumillu atugaqarnissat qulakkeerumallugu, nammineq angerlarsimaffiit imaluunniit utoqqarnut inissiaq pisariaqartitarnut naapertuuttunngorsarneqarnissaa Qeqqata Kommunia sulissutigisarpaa.

Angerlarsimaffiup pisatsersorneqarnissaanut kikkut ikiorserneqarsinnaappat?
Kikkut tamat inissiallu tamarmik assigiinneq ajorput, taamaattumillu ataasiakkaat inissisimanerat aallaavigalugu naliliisoqartarluni.

Angerlarsimaffivit allanngortinneqarnissaanik pisariaqartut kommunemi angerlarsimaffimmi ikiortit peqatigalugit nalilersorneqartarput, taakkuummata angerlarsimaffernut pulaarlutik ilinnut iluaqutissanngorlugit suut allanngortittariaqarnerannik naliliisartut.

Allamut nuussinnaavunga?
Periarfissaajuartillugu nammineq angerlarsimaffinniissinnaanissat kommunep sapinngisamik sulissutigissavaa, taamaakkaluartorli pisuni ataasiakkaani inissiamik allanngortiterinissaq iliuuseqarnissakkut aningaasatigullu pisinnaaneq ajorluni.

Taamaattumik ilinnut tulluarnerusumik inissiamut allamut nuunnissamik neqeroorfigitissinnaavutit.

Paasissutissat annertunerusut
Annertunerusumik siunnersorneqarnissat ilitsersorneqarnissalluunniit pisariaqartikkukku, Angerlarsimaffimmi ikiortinut imaluunniit Qeqqata Kommunianut saaffiginnissinnaavutit.