Sisimiuni

Kommunep Sisimiut illoqarfiani Utoqqaat angerlarsimaffiutaa 2005-imi allilerneqarpoq, najugaqartullu atugarissaarnerunissaat kisimiissinnaanissaallu qulakkeerumallugu init tamarmik ataasiittarissanngortinneqarlutik.

Qanoq ilillunga Utoqqaat angerlarsimaffiannut nuussaanga?
Assersuutigalugu peqqissutsit pillugu nammineq angerlarsimaffinniissinnaajunnaarsimaguit, taava kommunep Utoqqarnut Angerlarsimaffiutaanut inissinneqarnissamik qinnuteqarsinnaavutit.

Ullumikkut Utoqqaat angerlarsimaffianni 31-t ineeraatigineqarput, tamatumalu saniatigut utoqqarnut illoqarfimmi namminneq najugaqartunut inimik ataatsimik qasuersaartarfeqarluni. Init tamarmik atorneqarput. Utoqqaat angerlarsimaffiannut nuussaguit tamanna illit nammineerlutit kissaatigissavat, imaluunniit Utoqqaat angerlarsimaffianut nuunnissat kommunemi angerlarsimaffimmi ikiortit angerlarsimaffimmiluunniit peqqissaasup innersuussinnaavaat.

Tamatuma kingorna kommunemi utoqqarnut allanut sanilliullugu pisariaqartitatit nuuttussanik nalilersuisartut nalilersuiffigissavaat. Innersuussutit ataasiakkaarlugit ataatsimiititalimi nalilersorneqartarput, tamatumalu kingorna utoqqaat angerlarsimaffinni aqutsisut kommunemi utoqqarnut immikkoortortaqarfik angerlarsimaffimmilu ikiortit aqutsisui peqatigalugit utoqqaat angerlarsimaffianut inissamik tunineqartussat aalajangiiffigineqartarlutik.

Utoqqaat angerlarsimaffiannut nuukkuma
Utoqqaat angerlarsimaffianut nuunnerni pequtitit nassarsinnaavatit. Nammineq pequteqanngikkuit, inimik pequtsersoriikkamik tunineqassaatit, pisariaqartitsinerlu naapertorlugu uninngasut siniffiinik utoqqaat angerlarsimaffiat atukkiussisinnaasarluni.

Utoqqaat angerlarsimaffianni inuuneq
Utoqqaat angerlarsimaffianni ulluinnarni utoqqaat, sulisut kiisalu ilaquttat ikinngutillu pulaartut peqatigiittarput.

Tamatuma saniatigut najugaqartut ulluinnarni assigiinngitsunik sammisaqarsinnaavutit, asiliaqataasinnaavutit, imaluunniit kommunep aaqqissuutaanik innuttaasut illuanni aaqqissuussinernut peqataasinnaallutit. Kisimiillutit eqqissisimaarnissarnik pisariaqartitsissaguit, najugaqartut tamarmik immikkut ineqarput.

Paasissutissat annertunerusut
Annertunerusumik apeqqutissaqaruit imaluunniit utoqqaat angerlarsimaffianni periarfissarititaasut takujumallugit alakkartererusussaguit, imaluunniit utoqqaat angerlarsimaffiani ulluinnarni pisut pillugit sulisunik najugaqartunilluunniit oqaloqateqarusussaguit, adressia oqasasuaataalu tullinnguuttumi takukkit.

Sisimiuni utoqqaat angerlarsimaffiat
Qaqqaliartarfik 1
3911 Sisimiut
Oqarasuaat: (+299) 86 73 53
Allakkasuartaat: (+299) 86 69 59