Piginnaasakillisimanerit eqqarsaatigalugu kommunemit assigiinngitsutigut ikiorserneqarnissarnut tapersersorneqarnissarnullu periarfissaqarpoq.

Ikiorsiissutit suuppat?
Ikiorsiissutit ilaatigut tassaasinnaapput ulluinnarni ikiorsiissutit, tapersersorteqartitsinerit, qasuersaartitsinerit, innarluutilinnut tulluarsakkanik najugaqarfiliornerit suliniutillu allat.

Pisariaqartitsinerit aallaavigalugu ulluinnarni ikiorserneqarsinnaavutit, assersuutigalugulu tassaasinnaallutik pitsorluttunut pisuutit, kørestol-it, angerlarsimaffimmi ikorfartuutit, siniffiit qullarneqarnerat, quummiartartunut nangersuit il.il.

Ajornartorsiutit ilaat tassanngaannartumik takkuttarpoq, ilaalli arriitsunnguamik takkukkuartortarlutik. Taamaakkaluartorli qanoq inissisimanerit apeqqutaatinnagu ulluinnarni ikiorserneqarnissamik pisariaqartitsinerit aalajangersaasiorfigineqarsinnaanngilaq.

Ikiorsiissutit ataasiakkaanut naleqqussarneqartussaapput, illillu qanoq issutsit allanngorsinnaammat piffissap ilaani ikiorsiissutit allanngorartinneqarnissaat pisariaqalersinnaavoq.

Qanoq ilillunga ikiorsiissutisissaanga?
Nalinginnaasumik angerlarsimaffimmi ikiortit peqqissaasulluunniit illit suleqatigalutit pisariaqartitatit eqqarsaatigalugit aaqqiissutissamik ujartuissapput, taamaakkaluartorli annertunerusumik siunnersorneqarnissamik ilitsersorneqarnissamillu pisariaqartitsissaguit angerlarsimaffimmi ikiortinut Qeqqata Kommunianulluunniit saaffiginnissuteqarnissarnut tikilluaqqusaajuaannarputit.

Qeqqata Kommunia
Makkorsip aqq. 2
Postboks 1014
3911 Sisimiut
Oqarasuaat: (+299) 70 21 00
Allakkasuartaat: (+299) 70 21 77