Immikkut pisariqartitatit nammassinnaanngikkukkit, siusinaartumik pensionisiaqartutut piffissap ilaani tapertatut ikiorsiissutinik pissarsisinnaavutit.
Siusinaartumik pensionisiaqarnivit saniatigut tapertatut ikiorsiisarneq inissisimanerit aallaavigalugu annerpaamik ukioq ataasikkuutaartumik aalajangiiffigineqartarpoq, imaluunniit aalajangersimasumik pisariaqartitsisimaguit ataasiartumik ikiorsiissutigineqartarluni.
Tapertatut ikiorsiissutit Qeqqata Kommuniani sullissisut suleqatigalugu naatsorsorneqartarput, taamaattumillu inissisimanerpit nalilersorneqarnissaanik pisariaqartitsiguit kommunemut saaffiginnittariaqarputit.
Tapertatut ikiorsiissutit qanoq naatsorsorneqartarpat?
Taamaattoqartillugu sullissisoq illit suleqatigalutit aningaasartuutitit misissuataarnerisigut aningaasatigut ikiorserneqarsinnaanissat naatsorsuusiorfigissavaa. Naatsorsuusioreernerup kingorna, tapertatut ikiorsiissutinik pissarsisinnaassanersutit sullissisup naliliiffigissavaa.
Paasissutissat annertunerusut
Annertunerusumik siunnersorneqarnissamik ilitsersorneqarnissamilluunniit pisariaqartitsiguit, Qeqqata Kommunianut saaffiginninnissarnut tikilluaqqusaajuaannarputit.
Tamatuma saniatigut tapertatut ikiorsiissutinik pissarsisinnaanissarnut periarfissatit Siusinaartumik pensionisiat pillugit Inatsisartut peqqussutaatigut uumap toqqarneratigut atuarsinnaavatit.