Siusinaartumik pensionit tassaapput 18-iniit 65-it tikillugit ukiulinnut timikkut, tarnikkut inuttulluunniit atukkatigut patsiseqartumik sulisinnaajunnaarsimasunut tunniunneqarsinnaasut

Pisortanit ikiorsiissutit tapersersuinerillu allat assigalugit pitsaanerusumik inuuneqalernissarnut nammineerlutit pimoorullugu peqataanissat pingaaruteqarpoq. Siusinaartumik pensionisisarneq tassaaginnanngilaq nammineq qanoq iliuuseqarani siusinaartumik pensionisisarneq, tassaavorli ulluinnarni ilinnut tapersersuisunut illit pimoorullugu peqataaffigisassat suleqataaffigisassallu.

Qanoq ilillunga siusinaartumik pensionisiaqalersinnaavunga?
Kommunemi Isumaginninnermi ingerlatsivik suliffissarsiuussisarfillu suleqatiginerisigut piginnaanngorsagaanissamut ikiorserneqarnissamut neqeroorfigitissimallutit sulisinnaassutsikkut suli ajornartorsiuteqaruit, siusinaartumik pensionisiaqalernissamut periarfissaqarputit.

Siusinaartumik pensionisiaqalernerit ataavartuusariaqanngilaq. Taamaasilluni ilaat sulileqqissinnaanissami tungaanut siusinaartumik pensionisiaqartinneqartarput.

Suliat tamarmik immikkut suliarineqartarmata, assersuutigalugulu illit inuttut atukkatit apeqqutaasarmata, siusinaartumik pensionisiaqalernissamut pisinnaatitaanissat pillugu Qeqqata Kommunia tungaanit aamma pissusissamisoortunik najoqqutassaqarnikkut aalajangiinissamut tunngavissaliorsinnaanngilagut.

Aningaasatigut qanoq annertutigisumik ikiorserneqarsinnaavunga?
Siusinaartumik pensionit annertussusaat ukiumoortumik Inatsisartunit aalajangerneqartarput, illillu pensioninik pissarsisartutut ukiut siuliini isertitarisimasatit aalajangiisooqataasarlutik.

Siuinaartumik pensionisiat naatsorsorneqartarnerinut annertunerusumik apeqqutissaqaruit, Qeqqata Kommunianut saaffiginnissuteqarnissarnut tikilluaqqusaajuaannarputit.

Paasissutissat annertunerusut
Siusinaartumik pensionit pillugit Inatsisartut peqqussutaat uumap toqqarneratigut atuarsinnaavat

Siusinaartumik pensionit pillugit Namminersorlutik Oqartussat nalunaarutaat uumap toqqarneratigut atuarsinnaavat.

Tamatuma saniatigut siunnersorneqarnissamik ilitsersorneqarnissamillu pisariaqartitsiguit, Qeqqata Kommunianut saaffiginnissuteqarnissarnut tikilluaqqusaajuaannarputit.

Qeqqata Kommunia
Makkorsip aqq. 2
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail