Ikuallannermi – sianerit 113

Sisimiuni qatserisarfik Glahnip Aqqutaani, aqquserngit naapinnerata aallaaqqaataani, inissisimaffeqarpoq. Sisimiuni qatserisarfik 31-nik sulisoqarpoq, ikuallannerit annaassiniarnerillu isumagisarlugit.

Ikuallannerni assigiinngitsuni qatsereriaatsinut, inunnillu qaqqani imaanilu annaassiniaanernut ilisimasaqarnissaq pisariaqarmat ullut 14-ikkaallugit sungiusartoqartarpoq.

Sulisut ineriartornerat
Sulisut ilinniagaqartinneqartuaannarput, assigiinngitsunillu ilinniartitaallutik pikkorissartitaasarlutillu soorlu: Illunut sanaartukkanut ikuallajaallisaarnermut sullissisoq, pisortaq TIMMISARTUNUT, pisortaq IKUALLANNERMI, ilinniartitsissutissanut ilitsersuisoq, ilitsersuisup ikiortaa, sulisoqatigiiaanik aqutsisoq IKUALLANERMI, putsumut pulalluni qatserisartunut ilitsersuisoq, ikuallattoqartillugu suliassanut ilinniartitaaneq, tunngaviusumik pikkorissarneq IKUALLANNERMI Annaassiniarnermilu, qaqqami annaassiniarnermi, aqqartartutut, ikiueqqaarnermi, ambulancelerinermut, angallannermi ajutoornermi kiggissimasunik peersiniaanermi.

2008-mi majip kingorna, sulisoq ataaseq ikuallannermi kemiimik fysikimillu, ikuallannermilu silaannalersuummik qatserutinik qatsereriaatsimillu, ikuallannermut aallaaviusimasumik misussuineq, angallannermi ajutoornermi kiggigussaasimasumik peersiniaanermut ilinniartinneqassaaq.

Illoqarfiup avataani annaassiniarneq
Ilisimatitsissutigineqassaaq, illoqarfimmi sanaartorfigineqarsimasut avataani politiit annaassiniarnernut siullertut akisussaasuummata. Qatserisartulli nunamik sungiusartarnertigut ilisimannittuugajuttuummata, qatserisartut aamma nunami suliakkerneqartarput.

Ajunaarnersuaqarlerpat
Ajunaarnersuartut ittumik pisoqassagaluarpat, Sisimiormiut tamakkerlutik kalerrisaarneq tusarsinnaassavaat. Minutsialuit qaangiunneranni qatserisartut qatserisarfimmi katersuussimassapput qanorlu pisoqarneranik paasitinneqarlutik.

Taamatuttaaq Politiit politeeqarfiliassapput qanoq pisoqarneranik paasitinneqarniarlutik, sulisullu suliassaminnut agguataarneqarsallutik.

Peqqinnissaqarfimmi sulisut – Nakorsat, peqqissaasut, ambulancenik aqquttoq ikiortilu – qanoq pisoqarneranik qanorlu annertutigineranik paasitinneqassapput.

Nunaqarfinni ikuallattoqarnissaanut upalungaarsimatitat
Nunaqarfiit Itilleq Sarfannguillu,  tamarmik immikkut 10-nik piffissap ilaanik qatserisartoqarput. Aamma tassani akuttunngitsumik qatserinermik sungiusartoqartarpoq. Qatserutit, Sisimiuni atortunut naleqqiutissagaanni, killeqarput.

Nunaqarfimmi Kangerlussuarmi Mittarfeqarfiit GLV-ip, tassa Kalaallit Nunaani Mittarfeqarfiit qatserisartuisa, qatserineq annaassiniarnerlu isumagisarpaat, aamma tassani qatserisartut siuttuata ilinniartitsineq sungiusarnerlu isumagisarpai.

Pikkorissarnerit
Akia isumaqatigiissutigineqarluni qatserisarfik ukununnga pikkorissartitsisarpoq:
1. Ikuallannermik nalinginnaasumik qamisaaneq
2. Ikuallannernik nassuiaanneqarneq
3. Red – Kalerrisaarutit
4. Pitsaaliuineq
5. Qamisaaneq
6. Qamisaat tigoriaannaq
7. Navianartorsiornerit nalinginnaasut
8. Qamisaammik tigoriaannarmik misileraaneq
9. Suliakkiissat

Peqataasut tamarmik ikuallannermik nalinginnaasumik qamisaanermut pikkorissarsimanermut uppernarsaammik pissapput.
Ikiueqqaarnermik pikkorissarnissamik isumaqatigiissuteqarniartoqarsinnaavoq.