Kommuneqarfik 2002-mi geotekniskimut qillarummik pisinikuuvoq, taanna annertunerusumik Sisimiut illoqarfianniittumut Sanaartornermik ilinniarfimmut attartortinneqartarpoq.
Qillarut nunap naqqanik kiisalu pingaarnertut qillerinernut atorneqartarpoq suliffeqarfiillu nunap naqqanik misissuinissamik pisiariaqartitsisut attartorsinnaavaat. Kisianni qillarutip qillarutitaa naammassiniagalinnut ilinniarsimasunik sulisulinnik atuisinnaasunut attartortinneqartarpoq.
Piffissap ilaani sulisunik attartortitsisoqarsinnavoq, periarfissallu tamakku pillugit paasisaqarnerorusukkuit, imaluunniit geotekniskimut qillarut atornissaanut allanik apeqqutissaqaruit, taava Qeqqata Kommunia Ingerlatsinermut immikkoortortaqarianut, Teknikkimut avatangiisinullu ingerlatsiviup immikkoortortaqarfigisaanut saaffiginninnissannut tikilluaqqusaavutit.
Qillarutip atornissaanut akigititat kommunep akigititaani takuneqarsinnaapput, kisianni aamma neqeroorummik aalajangersimasumik tunniussisoqarsinnaavoq, attartorneq sivisunerusumik ingerlassappat. Qillarutip qillarutitaa aamma illoqarfinnit allanit pisariaqartinneqaraangat attartortinneqartarpoq.