Ilaanneeriarlutik inuttut ajornartorsiuteqarsinnaavutit, taamaattoqartillugulu piffissap ilaani illinnut ilaquttannilluunniit pilersuinissat ajornartorsiutigilersinnaavat. Ajornartorsiutillu ima annertutigilersinaasarlutik, ilinnut kommunemilu siunnersortinut piffissarujussuarmik tigusisinnaalersarlutik.

Allat piffissami sivisunerusumi sulisinnaajunnaarsinnaasarput, soorlu napparsimanermikkut sapaatip akunnerini 13-ini suliffeqanngikkallarnermi ikiorsiissutinik pisinnaaffitsik sipporsinnaasarlugu, allatigullu ulluinnarni atukkamikkut ikiorserneqarnissamik pisariaqartitilerlutik.

Taamaattoqartillugu illit suliffissarsiuussisarfimmut attaveqareersimassaatit, tamatumanilu iliuuseqarnissamik pilersaarusiap suliarineqarnissaa taamatullu immikkut aningaasatigut taperserneqarnissat nalilersuiffigineqareersimassallutik, tassa pisortatigut ikiorsiissutinik.

Kommunemit ikiorserneqarneq
Taama ikiorsiissuteqarneq kommunep aningaasartuutigisarpaa, illillu peqatigalutit Qeqqata Kommunani inulerisutut sullissisut pisariaqartitsinerit nalilersuiffigissallugu. Illit nammineq inuttut maluginiassavat, inatsisikkut iliuuseqarnissamik pilersaarusiorneqarnissat pisinnaatitaaffigigakku, pisortatigut ikiorsiissutinik qinnuteqarsimaguit ikiorserneqatreeruilluunniit.

Pisortatigut ikiorserneqarnissamik periarfissat qanoq atugaqarninnit aallaaveqassaaq. Taamaammat maleruagassanik inerlugit sulianik tunniussisinnaanngilavut, tassa illit atukkatit tunngavigalugit taama ikiorserneqarsinnaanersutit eqqarsaatigalugu.

Sumi aallartissaanga?
Illit suliffissaaleqiguit siullermik suliffissarsiuussisarfimmut saaffiginnittariaqarputit, tassanilu ingerlaqqeriarnissamut ikiorneqassaatit. Peqatigitillugu eqqaamassavat, illit nammineq iliuuseqassagavit ikiorserneqarnissat eqqarsaatigalugu. Pisortat taamaallaat ikiorsinnaavaatsit, illit nammineq ingerlaqqeriarnissat piumassuseqarfigigukku.

Kommunemi inulerisutut sullisisuit apeqquteqarfiginerata saniatigut, imaluunniit suliffissarsiuussisarfiup apeqquteqarfiginerata saniatigut, aamma illit nammineq pisortatigut ikiorsiissuteqartarnikkut periarfissanut tunngasut tulliuttumi itisilerlugit atuarsinnaavatit una tooruk.