Meerartaarnermi pilluarneq misigineqarlunilu piffissaqarfigineqartariaqarpoq. Taamaattumik Ilissi angajoqqaanngortut inuutissarsiuteqartunut pisinnaatitaaffiit tamanut atuuttut naammassisimagussigit akissarsiaqaatigalugu sulinngiffeqarsinnaataavusi.

Erninermut atatillugu sulinngiffeqarsinnaatitaaneq
Erninissaq sapaatip akunnerinik 13-inik sioqqullugu anaanaasoq ataataasorlu piumasaqaatinik tullinnguuttunik naammassinnissimagunik akissarsiaqaatigalugu sulinngiffeqarsinnaatitaapput:

• Akissarsiaqaatigalugu sulisimagaanni.
• Nammineq suliffeqarfiuteqarsimagaanni suliffeqarfimmiluunniit namminersortumi ikiortaasimagaanni.
• Ilinniakkamik ingerlatsisimagaanni.
• Meeqqat atuarfiini klassini annerni atuarsimagaanni.
• Sulinngiffeqassagaanni inuit allattorsimaffianni allassimanissaq, Kalaallit Nunaannilu aalajangersimasumik najugaqarnissaq piumasaqaataavoq.

Anaanaasoq
Naatsorsuutigisamik erninissaq sapaatip akunnerinik marlunnik sioqqullugu anaanaasutut naartunermi akissarsiaqaatigalugu sulinngiffeqarsinnaatitaavutit. Tamatumani ernivissatut peqqinnissaqarfiup ilimaginninnera aallaavigineqartarpoq, aammali ataasiakkaat atugaat apeqqutaasarlutik.Ernereernerpit kingorna sapaatip akunnerini 15-ini akissarsiaqaatigalugu sulinngiffeqarsinnaatitaavutit. Marluliguit, pingasuliguit il.il. sapaatip akunnerini 19-ini akissarsiaqaatigalugu sulinngiffeqarsinnaatitaavutit.

Ataataasoq
Ernereernerup kingorna sapaatip akunneri 15-it siulliit ingerlanerini sapaatip akunnerini pingasuni akissarsiaqaatigalugu sulinngiffeqarsinnaatitaavutit. Imaappoq arnaasup erninerminut atatillugu sulinngiffeqarnerata nalaani angutaasoq sapaatip akunnerini pingasuni sulinngiffeqassaaq.

Sulinngiffeqarfissat angajoqqaat avitassaat
Erninermut atatillugu sulinngiffeqarnerup saniatigut angajoqqaatut sapaatip akunnerini 17-ini (ataasiinnaanngitsumik qitornartaarnermi sapaatip akunnerini 21-ni) sulinngiffeqarsinnaatitaavusi. Sulinngiffeqarnissaq taanna nammineq ilussinni tulluarsarlugu avissinnaavarsi, taamaattorli ataatsikkut sulinngiffeqarsinnaanasi.

	Naartunermi sulinngiffeqarnissaq	Erninermut atatillugu kiisalu angajoqqaat avillugit sulinngiffeqarnissaat	Angajoqqaat avillugit sulinngiffeqaatissaat
Anaasaasoq	Erninissamik naatsorsuutigisaq sap. ak. marlunnik sioqqullugu	Erninerup kingorna sap. ak. 15-it
Avitassat			Sap. ak. 17-it agguagassat
Ataataasoq		Sap. ak. 15-it siulliit ingerlanerini sap. ak. pingasut nammineq aalajangigassat

 
Sulinngiffeqarnissami piumasaqaatit naammassinngikkukkit
Assersuutigalugu erninissat sapaatip akunnerinik 13-inik sioqqullugu suliffeqarsimanngikkuit, illit qitornavillu tapersersorneqarnissaannut tapiissutisisinnaavutit. Tamanna Qeqqata Kommuniata Ilaqutariinnermut immikkoortortami ingerlatsiviani isumagineqartarpoq, siunnersortimiillu ilitsersorneqarnissaq ikiorserneqarnissarlu siunertaralugu ingerlatsivimmut saaffiginninnikkut piffissamik inniminniisinnaavutit.
Siunnersortimik oqaloqatiginninnissamut piffissamik inniminniiumallutit Isumaginninnermi ingerlatsiviup saaffiginnittarfianut saaffiginnigit. Saaffiginnittarfiup ammasarfii uumap ataani takusinnaavatit.

Ilisimatitsisussaatitaaneq
Anaanaasutut naatsorsuutigisamik ernivissavit sapaatip akunnerinik 13-inik sioqqullugu naartunerit nalunaarutigissavat. Ernereernerpit kingorna kingusinnerpaamik sapaatip akunneri arfineq-pingasut qaangiutsinnagit, qaqugu suliartoqqinnissat naatsorsuutiginerlugu nalunaarutigissavat.

Ataataasutut sulinngiffeqarnissat sapaatip akunneri sisamat sioqqullugit nalunaarutigissavat, taamaattorli qitornartaap inunngorneranit kingusinnerpaamik sapaatip akunneri arfineqpingasut qaangiutsinnagit.

Qinnuteqaateqarfissaq
Erninermut atatillugu ullormusiat pillugit immersuivissaq uumap toqqarneratigut aasinnaavat. Immersugaq illoqarfigisarni kommunep allaffianut tunniunneqassaaq.