Feriartarneq suliffeqartilluni inuunerup ilagiinnalernikuuaa. Feria nukissanik, eqqarsaatinik nutaanik eqqissillunilu qasuersaarnissamik tunisisarpoq. Taamatuttaaq feria ukiup ingerlarngani ataqatigiissumik ingerlanermik misigisimalersitsiarluni, sulisullu tamarmik feriarsinnaatitaallutik.

Feriassat qanoq amerlatigisut katersortarpakka?
Sulinermi qaammammut ullut marluk affarlu katersorneqartarput. Ukioq katersiviusoq aamma tassaavoq qaammatisiutit ukiuat, sulisullu annerpaamik ukiumut feriarfissamisut arfininngornerit ilanngullugit ullut 30-it katersorsinaasarpai.

Qanoq ilisukkut feriarsinnaatitaavunga?
Feriassatit, ukiup ingerlanerani katersukkatit, februaarip 1-aniit januaarip 31-anut tungaanut, ukiup katersiviusup ukiuata tulliani.

Februaarip 1-aniit septembarip 30-iata tungaanut feriassatut katersusimasannut atatillugu minnerpaamik sapaatip akunneri pingasut ataqatigiimmik feriarsinnaatitaavutit, feriassatillu sinneruttut sivikinnerusumik sivisunerusumilluunniit atorsinnaallugit.

Tamatigut eqqaamajuk, sulisitsisunnut feriarnissavit sivisussusissaa qaqugulu atornissaa isumaqatigiissutigisassagakkit.

Paasissutissat allat
Inatsisartut Feriartarneq pillugu inatsisaata oqaasertai una toorlugu nammineq takusinnaavatit.