Inuit amerlanerpaartaannut sulineq ullormut piffissamik immersuisuuvoq, taamaammallu suligutta suliffitsinnilluunniit annaasaqarutta sulisinnaajunnaaruttaluunniit periarfissatsinnik ilisimaarinninnissarput pingaaruteqartuulluni.
Qeqqata Kommuniani sulisut ilinniartittuarnissaat qaffassarnissaallu tamatigoortumik anguniagaavoq, tassa sumiiffimmi nunarsuarmilu avatangiisitsinni ineriartornikkut malinnaajuarnissaq eqqarsaatigalugu. Suliniutip tamatuma malitsigisaanik, ilaatigut Sisimiut illoqarfiat ilinniagaqarnikkut qaffasissumik inissisimatippaa illoqarfillu pisortaqarfiit annerit ilaanniit allaffeqarfissatut orniginartitalluni.
Matuma qulaatungaani imarisaasutigut paasissutissat, immersugassat nukissatigullu attaveqarfissat ataatsimoortippavut, taakkunanilu suliffissaaleqinikkut, sulitilluni akornusernikkut, naartunikkut, sulinngiffeqarnikkut, piginnaanngorsaanikkut ilinniartitaanikkut ilinniaqqinnikkullu ilitsersuutit nassaarineqarsinnaallutik.
Suliffissarsiuussisarfik
Suliffeqarfinnut tunngatillugu apeqqutinut ajornartorsiutaasinnaasunullu suliffissarsiuussisarfimmiit siunnersorneqarlutillu ilitsersuunneqarsinnaavutit.
Suliffeqanngitsut
Suliffeqaraluarlutit suliffeerukkuit, sapaatip akunnerini 14-it iluanni piffissami aalajangersimasumi suliffeerukkallarnermi ikiorsiissutinik pisartagaqarsinnaavutit. Napparsimalersimaguit napparsimanersiutinik tunineqarsinnaavutit. Ilitsersorneqarsinnaavutit aammalu iliuusissatut pilersarummik suliaqartoqarsinnaavoq, tamatumani suliffissanut ilinniarsinnaanermullu periarfissatit allattorneqarlutik.
Piginnaanngorsaqqinneq
Sulitillutit ajoqusersimaguit imaluunniit arlaatigut sulisinnaanerit killeqalersimappat, piginnaanngorsaqqiinermik aallartitsisoqassaaq, taamaalillutit suliffeqarnermut uteqqinnissannut pilersaarummik suliaqartoqarluni.
Pikkorissarnerit
Ilinniaqqinniaruit inuutissarsiornermut ilinniarfiit iluanni pikkorissarnissannut ikiorneqarnsinaavutit, kiisalu pikkorissarnermut atatillugu aningaasartuutaasinnaasunut tapiiffigineqarsinnaanernut periarfissanik paasissutissarsillutit.
Suliffissarsiuussisarfik aaqqissuussaanikkut Sisimiuni Piareersarfimmut atatinneqalernikuuvoq. 2010-mi januaarip aallaqqaataaniit suliffissarsiuussisarfik Piareersarfiup illutaata nutaartaaniilissaaq.
Uani Piareersarfimmut qinnuteqaammik pissarsisinnaavutit.
Uanilu ilinniartut inaannut qinnuteqaammik pissarsisinnaavutit.