Meeravissiartaarniarluni aalajangerneq annertoorujussuuvoq. Meeravissiartaarniarlusi meeravissiartaartitsiniarlusiluunniit aalajanginnginnermi kommunemi inunnik isumaginninnermi siunnersorti sullissisorluunniit periarfissat piumasaqaatilluunniit pillugit oqaloqatigeqqaarnissaat innersuussutigineqarpoq.

Meeravissiartaarniarnissamut qanoq ingerlariaqqinnissamut inaarutaasumillu aalajangiinissamut pisariaqartunut paasisaqarnissamut inunnik isumaginnittoqarfimmi siunnersortimit ikiorneqarsinnaavutit/-vusi.

Meeravissiartaarnermi pisariaqartunik isumaginnittussat Isumaginninnermut Naalakkersuisoqarfik Naalagaaffiullu sinniisaa aqqutigalugit suliaq aallartinneqartarpoq. Ilinnut/-ssinnut tunngasumik kommune tassunga atatillugu isumaginnittoqarfimmit nalunaarusioqquneqassaaq, meeravissiartaarniarnermilu suliami pineqartumi naliliiniarnermi nalunaarusiaq taanna ilaassaaq.

Meeravissiartaartitsisarnermi periuutsit marluk
Meeravissiartaarnissamut periarfissat marlunnut avinneqarsimapput – ammasumik kinaassutsimillu isertuussilluni meeravissiartaarneq. Periarfissat marluk tulliuttuni nassuiaarneqarneri Kalaallit Nunaata iluani kalaallit meerartaannik meeravissiartaarneq kisimi pineqarpoq.

Ammasumik meeravissiartaarneq
Illuatungeriit imminnut ilisarisimagaangata aammalu angajoqqaat angajoqqaarsianngortullu imminnut attaveqatigiikaanngat aammasumik meeravissiartaarneq pineqartarpoq. Qeqqata Kommuniani politiit aattavigineqartassapput, Naalagaaffiup sinniisua sinnerlugu suliassat taamakku isumagisarmatigit.

Meeravissiartaarniaraanni piumasaqaataasoq qinnuteqaammut immersugassaq politiinittaaq pissarsiarineqarsinnaavoq.

Kinaassutsimik isertuussilluni meeravissiartaarneq
Kalaallit Nunaanni kinaassutsimik isertuussilluni meeravissiartaarniaraanni meeravissiartaartitsiniaraannillunniit Qeqqata Kommuniani inunnik isumaginninnermi siunnersorti sullissisorluunniit saaffigineqaassaaq, Isumaginninnermut Naalakkersuisoqarfik attaveqarnissamut ikiuukkusummata.

Pisortaqarfik aqqutigalugu Naalagaaffiup sinniisuanut kommune attaveqassaaq kissaatinnut/-ssinnut aallarniummik misissuinissaq siumut akuersissuteqarnissarlu isumagissammagu. Kommunemi attavigineqarsinnaasut ilanngutassiap ataani takuneqarsinnaapput.

Kinaasutsimik isertuussilluni meeravissiartaartitsiniartut meeraat meeravissiartaarniartullu attaviginissaat Isumaginninnermut Naalakkersuisoqarfik aamma isumagissavaa. Angajoqqaajusoq/-sut kinassusaat angajoqqaarsianngortunut taamaasilluni isertuunneqartarpoq.

Nunanit allameersunit meeravissiartaarneq
Nunanit allameersunit meeravissiartaarniaraanni Danmarkimi meeravissiartaartitsisarnermi qitiusut akuerisaasut marluusunut qinnuteqarneq pissaaq.

Qitiusut attaviginnginnerini Qeqqata Kommuniani siunnersorti oqaloqatigeqqaassagissi siunnersuutigineqarpoq, aalajangiinissamut siunnersuisinnaammata eqqortumillu aalajangiinissassinnut ikiorlusi.

Annertunermik paasisaqarit 
DanAdopt  
Hovedgaden 24
3460 Birkerød
Oqarasuaat: (+45) 45 81 63 33
Allakkasuartaat: (+45) 45 81 74 82
www.danadopt.dk
E-mail

AC Børnehjælp
Elkjærvej 31
8230 Åbyhøj
Tlf: (+45) 86 12 65 22
Allakkasuartaat: (+45) 86 19 78 53
www.a-c.dk
E-mail

Isumaginninnermut Naalakkersuisoqarfik
Imaneq 4
Postboks 1015
3900 Nuuk
Oqarasuaat: (+299) 34 50 00
Allakkasuartaat: (+299) 32 45 47
www.nanoq.gl
E-mail
 
Qeqqata Kommunia
Makkorsip Aqq. 2
Postboks 1014
3911 Sisimiut
Oqarasuaat: (+299) 70 21 00
Allakkasuartaat: (+299) 70 21 77
www.qeqqata.gl
E-mail