Nammineq aaqqissuussamik meerarsiartaartut assersuutigalugu ilaqutaasinnaapput, soorlu aanaakkut aataakkut assigisaalluunniit. Imaassinnaalluuniit ilaqutaanngitsut meerarsiartaartut.

Meeqqamut oqartussaaffeqartup ilaqutariillu allat akornanni iluminni isumaqatigiinnikkut pisinnaavoq. Taamatut isumaqatigiissimagaanni meeqqap pitsaasumik allanngujaatsumillu inuuneqarnissaata qulakkeernissaanut siullermik alloriarnioreerpoq.

Kommunemit akuersisssut
Alloriarneq tulleq angusinnaajumallugu meerarsiaqalertussat akuerineqaqqaartariaqarput. Akuersissut tunniunneqassappat kommune akuliunneqartariaqarpoq.

Meerarsiaqarsinnaanermik akuersissut meerarsiaqarniartunut tunniunneqassappat, meerarsiaqarniartut pillagaasimannginnermut allagartamik takutitseqqaartuaannassapput, meerarlu ajunngitsumik paarineqarnissaanik qulakkeerinissamik siunertaqartumik misissuisoqaqqaartariaqarportaaq. Nakorsamit allagartaq inunnillu isumaginninnermik nalunaarusiaq aalajangiinissamut tunngavissatut misissuinermi ilanngunneqartariaqarput.

Kommunalbestyrelsip akuersissutaa allanganngorlugu aatsaat pereerpat, meeraq meerarsianngortinneqassaaq, meeqqalli angajoqqaarsiassamini atugassarisai peqqissusianullu isumannaatsuunissaa qulakkeerneqaqqaareepat.

Pilersuisussaanermik pisussaaffik
Ulluinnarni meeqqap pitsaasumik atugaqartuannarnissaa kommunep qulakkeerinneqataaffigisaa angajoqqaarsianngortut pisussaaffigaat. Angajoqqaatut oqartussaaffeqartup/-tut meeqqaminnillu ilaqutariinnut allanut meerarsiaqartitsisup meeqqap pilersornissaa isumagisussaavaa/-vaat.

Annertunerusumik paasissutissat
Meerarsiaqarnissamut meerarsiaqarnissamullu akuersissutinut periarfissanut piumasaqaaatinullu tunngasut siunnersorti peqatigalugu oqaluuserilluarnissaat pingaartuuvoq, taamaattumik annertunerusumik siunnersorneqarniarnermi iitsersorniarneqarnermilu kommunemi isumaginninnermi sulisoqarnermullu ingerlatsivimmut saaffiginninnissa innersuussutigineqarpoq.