Meerarsiartaassavit/-visii imaluunniit mereravissiartaassavit/-visii, taava meerarsiaqarnerup piffissap ilaani meeravissiartaarnerulluunniit aallartinnerani arlarsi sulinngifeqarnissaminik ullormusiaqarnissaminillu periarfissarpoq.

Kalaallit Nunaanni innuttaasut allattorsimaffianni nalunaarsorsimanissaq peqatigitillugulu aalajangersimasumik maani najugaqarnissaq maleruagassani pingaarnertut atuupput.

Angajoqqaarsiatut meeravissiartaartussatullu sulinngiffeqarnissaq atuutinngikkaluarpoq. Meeqqalli pisariqartitai naapertorlugit angajoqqaarsinngortut arlaata angerlarsimaannarluni paarsinissaa pisariaqassanersoq kommunemi akisussaasut nalilersinnaavaat, arlaat angerlarsimaannartuunngippat angerlarsimaffimmiluunniit suliffeqariinngippat.

Uannut suna atuuppa?
Meeravissiartaarniarluni meerarsiartaarniarluniluunniit ullormusiaqarnissamut periarfissat nalilersorneqarnissaanut siullermik piukkunnaateqartariaqarpoq, taava sulinngiffeqalinnginnermi sap.ak.13-it kingulliit sulisimasunut akissarsialinnut maleruagassat nalinginnaasut atuutissapput.

Sivisunerpaamik sap.ak. 13-it ullormusiaqartoqarsinnaavoq, tapiissutisiaqarniaruillu sulinngiffeqarneq sioqqullugu ikinnerpaamik akunnerit 182-it sulereersimasariaqassaatit.

Pisunili tamani annertunerusumik siunnersorneqarnissannut ilitsersorneqarnissannullu Qeqqata Kommuniani siunnerti sullissisorluunniit saaffigisariaqarpatit.