Meeqqat 18-it inorlugit ukiullit immikkut ikiorserniarlugit meeqqanut tapisiaqartitsinermik aaqqissuussineruvoq, ilaqutariinnut pilersuinissaminnut ikiorsinneqartarialinnut tunniunneqartartut.

Meeqqanut tapisiaqarsinnaavunga?
Angajoqqaat isertitaat akileraaruteqaataasussat angissusiat apeqqutaalluni meeqqanut tapisiat angissusilerneqartarput, angajoqqaallu isertitaat killiliunneqartumut sippuisimanngippata tapisiat qaammatit pingasukkaarlugit tunniunneqartarput. Isertitatigut killiliussat allattorsimaneri matuma ataani takusinnaavatit.

Meeraq Qeqqata Kommunianit tapisiaqartinneqassappat Kalaallit Nunaani innuttaasutut angerlarsimaffeqarnissaa piumasaqaatavoq, tapisianillu tigusisinnaatitaasoq Kalaallit Nunaanni najugaqartuullunilu inuit allattorsimaffiini nalunaarsosimasuussasoq.

Meeraq 18-inik ukioqalernisani tikillugu meeqqanut tapisiaqarsinnaavoq, tapisiaqarnissamullu qinnuteqaat Qeqqata Kommuniata allaffiisa arlaannut tunniunneqassaaq. Qinnuteqaat aaniarukku anillatsinniarukkulu una tooruk.

Paasissutissat annertunerusut
Inatsisinik tapisianut tunngasunik paasisaqarnerorusukkuit meeqqanut tapisiat pillugit Inatsisartut peqqussutaat atuarniarukkit una tooruk. Meeqqanut tapisiat pillugit Namminersornerullutik Oqartussat Nalunaarutaat aamma atuarniarukku una tooruk.

Meeqqanut tapisiaqarsinnaanermut angajoqqaat akissarsiaanut killiliussat ataatsimut allattorsimaffii imaapput:

0 - 130.000 kr.	Qaammatinut pingasunut 1.527.50 kr.
130.000 - 180.000 kr.	Qaammatinut pingasunut 1.122.50 kr.
180.000 - 280.000 kr.	Qaammatinut pingasunut    717,50 kr.
280.000 kr.sinneraanni	tapisiaqarsinnaanngilaq