Qitornat innarluutilittut nalunaarsorneqarnissaanut periarfissaqanngikkuit imaluunniit neqeroorutigineqartoq akuerinianngikkukku, taava qitornat allatigut ikiorserneqarnissaminik pisariaqartitsinersoq kommunemit naliliiffigineqassaaq.
Kikkut ikiorserneqarsinnaappat?
Qanoq inissisimaneq apeqqutaalluni meeqqamut innarluuteqartumut pisortatigut ikiorsiisoqartarpoq. Taamaattumik inissisimanerit aallaavigalugu taamatut ikiorserneqarnissarnut pisinnaatitaaffeqarnersut ersarissumik maleruagassiorsinnaanngilagut.
Innarluutilinnut peqqussut siammasingaarami suliassat ataasiakkat naliliiffigineqarsinnaasarput, taammaattumillu illit qanigisalluunniit kommunemit ikiorserneqarnissaannut innarluutilittut nalunaarsortittoqarnissaa pisariaqartuaannanngilaq.
Sutigut ikiorserneqarsinnaavugut?
Kommune meeqqamut pisortatigoortumik innarluutilittut nalunaarsorneqarsimanngitsumut ikiorsiippat, qitornavit pisariaqartitai aallaavigalugit aningaasartuuteqartoqartarpoq, taamaattumillu suliap suliarineqarnerani ilissi ilaqutaasusi qanimut suleqatigineqartarpusi.
Meeqqap piginnaassutsikkut piginnaasakillisimaneranut ikiuiniarlutik siunertaqartunut, kommunemi ikiorsiinissaminut tapersersuinissaminullu assigiinngitsutigut periarfissaqarpoq.
Ikiuinerit tassaasinnaapput ulluinnarni ikiorsiissutit, tapersersorteqartitsinerit, oqilisaassinerit, ininik innarluutilinnut tulluarsaanerit, ulloq unnuarlu angerlarsimaffinnut inissiinerit suliniutillu allat.
Annertunerusumik ilitsersorneqarneq
Qitornat immikkut naliliiffigineqartussaammat, Qeqqata Kommuniani isumaginninnermi siunnersorti sullissisorluunniit attaveqarfigisariaqarpat, tassanngaanniit qitornavit pisariaqartitaanik naliliisoqarnissaanik ikiorneqarsinnaagavit.
Tamatuma saniatigut Namminersorlutik Oqartussat nittartagaani Isumaginninnermut Naalakkersuisoqarfiup ataani innarluutilinnut paasissutissiiveqarpoq, tassanilu ilaatigut tapersersorneqarnissamut ilitsersorneqarnissamullu paasissutissat annertunerusut pissarsiarisinnaavatit.
Attavigiuk:
Qeqqata Kommunia
Makkorsip aqq. 2
Postboks 1014
3911 Sisimiut
Oqarasuaat: (+299) 70 21 00
Allakkasuartaat: (+299) 70 21 77
E-mail
Isumaginninnermut Naalakkersuisoqarfik
Namminersorlutik Oqartussat
Imaneq 4
3900 Nuuk
Oqarasuaat: (+299) 34 50 00
Allakkasuartaat: (+299) 32 45 47
E-mail
Hjemmeside