Meeqqamut innarluuteqartumut ulluinnarni tapersersorti pingaaruteqarpoq, meeqqallu avatangiisiminnut attaveqarnissaminni tapersersortitik atassuteqaatigisarmatigit, meeqqat ilaqutaasullu tapersersortigisamut toqqissisimanartuutitsinissaat pingaaruteqarpoq.
Tapersersorti susinnaava?
Meeqqamut innarluutilimmut tapersersorti ulluinnarni suliassanut assigiinngitsunut tapersersuisarpoq. Meeraq innarluutilittut ikiorserneqartartutut pisortatigut nalunaarsorneqaqqappat imaluunniit kommunemit toqqaannartumik ikiorserneqartarpat, meeqqanut ataasiakkaanut iliuusissatut pilersaarusiarineqarsimasut malillugit tapersersorti sulissaaq.
Iliuusissatut pilersaarutip pitsaasup meeqqap ilaqutaasullu kissaataat pisariaqartitaallu pingaartittarpaat, tassuunakkullu aamma kommunep innarluuteqartullu suleqatigiinnerisigut anguniakkat qanoq anguniarneqarsinnaanersut pilersaarusiorfigineqartarlutik. Meeraq ilaqutaasullu suleqatigalutit iliuusissatut pilersaarut kommunemit suliarineqartarpoq, iliuusissatullu pilersaarut ulluinnarni sakkussatut atorluarsinnaaqqullugu suliaalluarlunilu peqqissaartumik suliaasimassaaq.
Tapersersorti qanoq annertutigisumik tapersersuisinnaava?
Meeqqap ulluinnarni pitsaanerusumik atugaqarnissaanut tapersersorti ikiuisussaavoq, taamaakkaluartorli sapaatip akunneranut akunnerit 40-t tikillugit tapersersorti meeqqamut tapersersuisinnaalluni.
Inuunerup ilaani inuit tamarmik suliaqaannaratik eqqissillutik kisimiiffeqarnissaminnik pisariaqartitsisarput, meerarlu tapersersortillu eqqarsaatigaluguit peqatigiittuaannannginnissaat pisariaqartarpoq.
Paasissutissat annertunerusut
Qitornavit tapersersorteqarsinnaanissaminut periarfissai pillugit annertunerusumik paasisaqarusukkuit, kommunemi sullissisunut siunnersortinulluunniit saaffiginninnissat sioqqullugu innarluutilittut nalunaarsorneqarneq kiisalu kommunemit ikiorserneqarneq atuaqqaartariaqarpatit.
Attavigiuk:
Qeqqata Kommunia
Makkorsip aqq. 2
Postboks 1014
3911 Sisimiut
Oqarasuaat: (+299) 70 21 00
Allakkasuartaat: (+299) 70 21 77
E-mail
Isumaginninnermut Naalakkersuisoqarfik
Namminersorlutik Oqartussat
Imaneq 4
3900 Nuuk
Oqarasuaat: (+299) 34 50 00
Allakkasuartaat: (+299) 32 45 47
E-mail
Hjemmeside