Meeqqat immikkut pisariaqartitsisut ikiorserneqarnissaat Qeqqata Kommuniani annertuumik sulissutigineqartarpoq. Meeraq isumaginninnikkut akuleruffigineqartillugu nalinginnaasumik kommunemi siunnersuisut ulluinnarni inuiqatigiinnut akulerusimanermikkut ajornartorsiutinik malugisaqalertarnerannik patsiseqakkajunnerusarpoq.

Inuunermi pitsaasumik inuuneqaannarnissamut meeqqat ikiorserneqartarnissaat, soorluttaaq ulluinnarni atugartussutsikkut ajornartorsiuteqalersimatillugit pitsaasumik ajunngitsumillu inuuneqaqqilernissaannut ikiorserneqarnissaat meeqqanut pingaaruteqarpoq. Taamaattumik meeqqat pitsaasumik inuuneqarnissaasa qulakkeerneqarnissaannut kommune Namminersorlutik Oqartussanik suleqateqarluni suleqataavoq.

Ataasiakkaanut immikkut suliniuteqarneq
Meeqqat ajornartorsiutaasa annersaat angajoqqaat perorsaasunik suleqateqarnermikkut imaluunniit ulluinnarni allatut iliuuseqarnermikkut anigorsinnaasarpaat. Meeqqalli ilaat annertuumik ajornartorsiuteqartarput, pisortat tungaanniit immikkut suliniarfigisariaqartarlutik.

Meeqqamiit meeqqamut ajornartorsiutit assigiinngissinnaasarput, meeqqallu ataasiakkaat pisariaqartitaannut naapertuuttunik kommune assigiinngitsutigut aaqqiissutaasinnaasunik neqerooruteqarnissaminut periarfissaqarpoq.

Kommune sutigut ikiorsiisinnaava?
Nalinginnaasumik angajoqqaanut siunnersuisoqarlunilu ilitsersuisoqartarpoq, aammali meeqqamut inuusuttumulluunniit, ilaatigullu ilaqutariinnut tamanut, ikiorsiisoqartarluni.

Taamatut ikiorsiineq assersuutigalugu tassaasinnaavoq immikkut atuartinneqarnissamut, nakorsamit ikiorserneqarnissamut, meeqqerivimmut inissamik tunitinnissamut, aningaasatigut imaluunniit pisariaqalivitsillugu meeqqap inuusuttulluunniit angerlarsimaffiup avataanut inissinneqarnissaanut ikiorsiineq.

Taamaakkaluartorli meeqqap inuusuttulluunniit atugarissaarnissaanut kommune akulerussimatillugu inuit ataasiakkaat imaluunniit ilaqutariit nammineerlutik kajumissusilimmik peqataanissaat pisariaqartarpoq. Kommunep kiffartuussinera utaqqiinnagassaanani innuttaasut kiffartuussisullu akornanni suleqatigiinneruvoq.

Paasissutissat annertunerusut
Meeqqap innarluutaanik pisortatigoortumik nalunaarsuisoqarnissaanut periarfissat kiisalu kommunemit ikiorserneqarnissamut tapersersorneqarnissamullu periarfissat pillugit quppernerni makkunani annertunerusumik atuaasinnaavutit. Tamatuma saniatigut Sisimiut illoqarfiani meeqqanut tapersersortit, immikkut atuartitsinerit aamma ornittagaq Ivik pillugit atuaasinnaavutit.

Meeqqanik inuusuttunillu ikiorsiisarneq pillugu inatsisartut peqqussutaat uumap toqqarneratigut aamma atuarsinnaavat.

Annertunerusumik ilitsersorneqarnissamik pisariaqartitsissaguit, Ilaqutariinnermut immikkoortortamut saaffiginnissuteqarnissarnut tikilluaqqusaavutit.