Aja Qeqqata Kommunianiit pigineqarpoq, Maniitsumilu meeqqerivinni annersaalluni, meeqqanut 63-nut inissaqartitaasoq sulisullu 21,  tamaasa ilanngullugit. Aja 1970-imi meeraaqqerivinngortitaasimavoq, 2001-imilu ukiakkut meeqqerivittaqalernikuulluni. Erseqqissaatigisariaqarpoq illup ilusilerneqarsimanera killiliisinnaasarmat, innarluutilittut nalunaarsornikunik tigusaqarneq ajoratta.  

Illu
Meeraaqqat (0-3 ukiullit) ininut pingasunut agguarneqarlutik:

• ”Piaqqat”
• ”Serfat”
• ”Ukallit”

Kiisalu meeqqerivittaa (3-6 ukiullit) marlunnik initaqarpoq:

• ”Nannut”
• ”Eqaluit”

Meeqqap aallartinnera
Meeqqap aallartilluarnissaa angorusullugu kissaatigilluinnarparput, aallartinnissaa sioqqullugu sungiusaataasumik pulaartinneqartarnissaa aammalu ajornanngippat aallartinnerani ullut siulliit sivikinnerusumik maaniittarnissaa.

Meeqqamut paasissutissat, sapigaqarnersoq, bil/bus-inut ilaasinnaanersoq il.il., pillugit stamkort-imik taaneqartumik immersorneqassaaq.

Meeqqerivimmukaassisarneq aallertarnerlu
Ullaakkut meeqqat ataatsimoortinneqartarput. Init sap.akunnikkuutaartumik tulleriiaarlugit. Meeqqap ullaakkorsioreersimanissaa piumasarineqarpoq, taamaattorli maani ullaakkorsiortoqarsinnaasarpoq nal. 07.00 -08.00 akornanni.

Meeraq meeqqeriviliaatereerneqassaaq kingusinnerpaamik nal. 9.30, taamatuttaaq frisappat feriesappalluunniit minnerunngitsumillu, meeraq napparsimappat.

Angajoqqaajusup meeraq nammineq aasinnaanngikkunikku, pisussaavoq nalunaarutigissallugu meeraq kiap aassaneraa. Aallersussarlu meeraappat minnerpaamik 10-12 ukioqalereersimassaaq.

Tallimanut meeraq aatereersimanngippat, inunnik isumaginnittoqarfiup tigussavaat akisussaaffigilerlugulu.

Ajap suleqatigisai
Pingaarnertut suleqatigineqarput angajoqqaat - siulersuisut. Kommunimi meeqqeriviit /-allaffiat aamma perorsaanikkut siunnersorti, napparsimmavimmi meeqqerisoq. Misilittakkallu takutinnikuuaat ulluinnarni sulisut angajoqqaallu akunnerminni, atassuteqaqatigiittarnerat pingaaruteqartorujussuusoq, taamaattumik ulluinnarni sukkulluunniit angajoqqaat sulisullu akunnitsinni oqaasissaqartilluta piareersimavugut. Nalinginnaasumik ukiakkut angajoqqaanik ataatsimiisitsisarpugut. Kiisalu meeqqap ineriartornera pillugu angajoqqaanik ataasiakkaarineq ingerlanneqartarpoq ukiumut marloriarlugu.

Atisat
Meeraq atisassamaateqartuaannassaaq. Soorluli aamma silap allangorarnera eqqarsaatigalugit atisineqartarnissaa kissaatigigipput. 

Siulersuisoqarneq

• Kommunalbestyrelse sinnerlugu ilaasussaatitaq
• Angajoqqaanit marluk
• Meeqqerivimmi sulisut sinnerlugit ilaasussaatitaq
• Meeqqerivimmi pisortaq

Ammasarfiit
Nal. 7.00 – 17.00 ulluinnaat tamaasa. 

Annertunerusumik paasisaqarneq
Annertunerusumik paasisaqarusukkuit www.maniitsumi-atuarfiit.gl takusinnaavat.

Aja attavigiuk
Ajoqinngup aqq. 669
Postboks 13
3912 Maniitsoq
Tlf: (+299) 81 30 76
E-mail