Meeqqerivik inissaqarpoq meeqqanut 64-nut. Meeqqerivittaani 40-put ininut marlunnut avinneqarsimallutik. Meeraaqqerivinni meeqqat 24-upput ininut marlunnut avinneqarsimallutik.

Meeqqanik aggiussisarneq
Meeqqanik aggiussisarneq ullut tamaasa killeqarpoq nal. 09.30-mut. Kingusinaartoqassappat 09.30 nallertinnagu nalunaarutigineqareersimassaaq. Angajoqqaat namminneq meeqqatik aggiunnerani aaneranilu atisaajarlugillu atisalersortussaavaat. Meeraq allanik aatsittussaatillugu tamanna pinngitsoorani  sulisunut nalunaarutigineqartassaaq.

Meeqqanik aallertarneq
Meeqqerivimmut imigassartorsimalluni aallertarneq inerteqqutaavoq, inatsisillu malillugit pissussaaffigaarput politiinut tamanna nalunaarutigissallugu, taakkualu inunnik isumaginnittoqarfimmi socialvagt-imut nalunaaruteqassapput.
Aatinngitsoortoqartillugu siullermik angajoqqaat attaviginiarneqartarput. Attaveqarfigisinnaanngikkunik politiit aqqutigalugit Inunnik Isumaginnittoqarfimmi socialvagt-i attavigisarpaat. Taamaattumik pingaartuuvoq meeqqat aallertilerneranni immersugassami angajoqqaat qanoq attavigineqarsinnaanerat nalunaarutigissallugu.

Ullaakkorsiortarneq
Meeraq ullaakkorsiutinik taquartillugu immummik piareersimasoqartarpoq. Angajoqqaalli meerartik neriseqqaarlugu qimassavaat. Qaammatit tamaasa qeqqata missaani angajoqqaat, meeqqat sulisullu ullaakkorsioqatigiittarput, meeqqeriviup tunniussaanik.

Nerisarneq:
Meeraaqqerivimmi neriffiit ukuupput:
Ullup qeqqasiorneq: 10:30
Ualikkorsiorneq: 14:00

Meeqqerivimmi neriffiit ukuupput:
Ullup qeqqasiorneq: 11:30
Ualikkorsiorneq: 14:30

Atisassamaatit
Angajoqqaat inussiarnersumik qinnuigineqarput meeqqat atisassamaatissaannik nassartittaqqullugit. Meeqqallu assigiianik atisaqarti-tertarmata pisariaqarpoq atisat nalunaasorneqarnissaat imaluunnit atsiortitsernissaat.

Atuisut ataatsimoorfiat
Inatsisartut peqqussutaat uani atuaruk.

Tikilluaqqusereerluta.

Meeqqeriviup ammasarfii
Meeqqerivik ammarsarpoq ullut tamaasa nal. 06:45 – 17:15-imut.

2011-mut ukiumoortumik pilersaarut