”Naja/Aleqa” meeqqeriviuvoq meeraaqqivittaqarluni, meeqqanut 44-nut inissaqartitsilluni. Meeqqerivittaa 20-nut inissaqarpoq, meeraaqqivittaalu 24-nut.

Tunniussineq
Meeqqanik tunniussisarneq nal. 09.30 nallertinnagu pisarpoq, taamaanngippat peqquteqavilluni kingusinaarnissaaq periarfissaavoq, nal. 09.30 nallertinnagu nalunaarutigineqareersimassalluni. Meeqqerivik meeraaqqerivillu ullaakkorsiortitsineq ajorpoq, taamaammat meeraq nerereesimassaaq agginginnerani. Taarsiulluguli qaammammut ataasiarluni angajoqqaanik meeqqanillu ullakkorsiortitsisarluni.

Angajoqqaat aggiussinermi aallernermilu namminneq meeqqap atisaajarnera atisalersorneralu isumagisavaat.

Meeqqanik aallertartut piumasaqarfigaavut imigassartorsimanatillu allatulluunniit aanngaajaarniutinik atuisimassanngitsut. Taamaattoqarsimatillugu politiit attavigineqartarput, taakkkualu socialvagt-imut attaveqartarput.

Ullut ingerlasarneri
Meeraaqqerivimmi meeqqerivittaanilu susassaqartitsineq tamatigut aallartittarpoq nal. 09.30.

Meeraaqqat ullup qeqqasiortarput nal. 10.30, tamatumalu kingorna ermilluttarput, nangilersorneqareeraangamillu kingulliartinneqartarput, ilai silami ilaallu illup iluani. Apeqqutaasarpoq angajoqqaat qanoq piumasaqarsimanerat.

Meeqqerivittaani nerisarput nal. 11.00 nerereernerullu kingorna “kiffaasimasut” suliatik naammassereerpatigit perusuersartarfimmi ermillutillu, meeqqallu tamarmik eqqisisimaarlutik qasuersaartinneqartarput.

Ammasarfii:
Ullut tamaasa nal. 07:00-miit ammartarpoq, 17:00-ilu matulluni.

2011-mut ukiumoortumik pilersaarut