”Nuniaffik” akuleriissillugit meeqqeriviuvoq. Qeqqata Kommuniata maleruaqqusai najoqqutaralugit sulineq ingerlanneqartarpoq. ”Nuniaffik” meeqqanut 64-nut inissaqartitsivoq.

Meeqqerivittaani init marluupput. Meeraaqqerivittaani init aamma marluullutik.

Nerisarneq
Meeqqerivimmi periarfissaavoq nal. 06.45-miit nal. 08.00-p tungaanut ullaakkorsiorneq, nammineq nassatanik imaluunniit meeqqeriviup tunniussaanik. 
Meeraaqqerivimmiut nal. 10.30 ullup qeqqasiortarput, meeqqerivimmiullu nal. 11.00 ullup qeqqasiortarlutik.
Nal. 14.00 ualikkorsiutitortarput.
Meeqqat angajoqqaaminnik akuerisaasut nerilernermi vitamin-imik tunineqartarput. Meeqqat ullut tamaasa nerereernerup kingorna kigutigissarlutik/kigutigissartinneqarlutillu asattortinneqartarput/asattortarput. Meeqqat kingulliartussat kingulliartinneqartarput.

Sammisassat:
Sapaatip akunneranut inini sulisut meeqqat susassaqartinneqarnissaat isumagisarpaat, sulisut namminneq ilusilersukkaminnik.

Anguniakkat

• meeqqat toqqissisimasut
• nuannaartut
• peqqissut
• tatiginninnermik peqartut
• akuerineqartutut misigisut
• sulisunut tatiginittut
• ataqqeqatigiissut
• kinaassutsiminnik ilisimaarinnittut
• sammisassanut aalajangeeqataasartut
• nammineersinnaanerat ineriartortillugu
• inooriaatsinut avatangiisinullu ilinniartinneqartut malinnaatinneqartullu

Pingaartipparput angajoqqaat qanimut suleqatiginissaat, pingaartutullu isigigatsigu meeraq pillugu attaveqaqatigiilluarnissarput.

Sulisut ataatsimiittarneri
Qaammammut nal. ak.-ri marluk pinngitsooratik sulisut tamarmik ataatsimiittarput. Tassumap saniatigut inimi perorsaasutut ilinniarsimasut ullut 14-kkaarlugit sulinerup nalaani ataatsiiittarput, aammalu inini nammineq aalajangikkaminnik sulinerup nalaani ineqatigiit ataatsimiittarput, taamatullu immikkoortortaqarfinni suleqatigiit pisinnaatitaafefeqarput, qaammammut akunnerit marluk sulinerup avataatigut ataatsimiiffeqarsinnaallutik.

Ammasarfii
Ataasinngornermiit tallimanngornermut nal. 06:45-miit nal. 17:15-p tungaanut ammasar-poq. Meeqqat kingusinnerpaamik nal. 09:30 takkutereersimanissaat kissaatigaarput. Kin-gusinaartoqassatillugu nal. 09:30 nallertinnagu meeqqerivimmut nalunaarutigineqareer-neqassaaq.