Meeqqerivik "Sisi" pingasunit ukiulinniit atualernissamik tungaanut meeqqeriviuvoq. Meeqqerivik 1969-imi sanaajuvoq, ukiullu ingerlanerini assigiinngitsutigut nutartissimalluni. Meeqqerivik ininut pingasunut agguagaavoq.

Sammisassat
Meeqqerivimmi periarfissaavoq ini immikkut ittoq assassornermi sammisaqartitsiviusinnaasoq, kiisalu arsaaqqanik pinnguarfiusinnaasoq, taassuma saniatigut periarfissaavoq tallimanngornikkut init paarlakaajaallutik ”AmerdloK’”-mi eqaarsaariarsinnaallutik. Kiisalu Innuttaasut Illuat "Illu" aamma taamatut paarlakaajaallugu orninneqarsinnaasoq.

Meeqqerivik "Sisi"-mi meeqqat sapinngisamik ukioqatigiiaat ineqatigiissinneqartarput,  meeqqerivimmi aallartinnerminniit ineqatigiissinneqartarput, taamaalilluni meeqqat sulisullu imminnut ilikkarluartarlutik.

Ataatsimiinnerit
Angajoqqaat ukiup aallartinnerani ataatsimiisinneqartarput pilersaarusioqatigineqarlutik, meeqqerivimmi sunik sammisaqarusunnerat tusarniarneqarluni. Ukiup naalernerani atualertussat siullermik misillinneqartarput, skoleparathedsundersøgelse-mik taaneqartartumik. Aappassaani februarimi misilitinneqassapput. Taakku kingornatigut meeqqat ataasiakkaat angajoqqaavinik oqaloqateqarneq pisarpoq, tamannalu ukiumut marloriarluni pisarpoq, ukiakkullu meeqqat nutaat aallarterarnerat iluatsillugu tamakiisumik angajoqqaanut ataatsimiisitsisarluta. Sulisut inikkaartumik qaammammut ataasiarlutik ataatsimiittarput, sulisullu tamakkerluta qaammammut ataasiarluta ataatsimiittarluta, taakku saniatiut suleqatigiit perorsaanermik siunnersortimik suleqateqarluta sap. ak. naanerini anguniagalimmik naapisimaartarneq ingerlattarparput.

Meeqqerivik ’Sisi’-p pingaarnerutillugit anguniagai makkuupput
Pingaartipparput meeqqap nammineersinnaanera, nammineq pilersitsisinnaanera, kinaassutsiminik ilisimaarinninnissaa, minnerunngitsumillu toqqisisimanissaa anguniassallugu, taakku angajoqqaat suleqatiginerisigut anguniagassaralugit. Ineqatigiit ukiumut anguniagaat meeqqat killiffii, kiisalu meeqqanut aalajangersimasumut pingaarneq ujartorlugu anguniagaqartarpugut, angajoqqaanullu immikkkut paasissutissanik saqqummiisinnaasarluta.

1. Meeqqap kinaassutsiminik ilisimaarinninissaa aqqutissiussallugu:

• meeqqap angajoqqami qatanngutimilu aqqi, najukkanilu ilisimaarinissaa aqqutissiutissallugu
• niviarsiaraaneq, nukappiaraaneq sumiuussuseq allaanerussutsillu akuerineratigut
• timip pisataanik ilisimasarititsinikkut
• ilaqutttat avatangiisillu eqqartornissaannut periarfissinnerisigut

2. Meeqqat peqateqarsinnaanngortillugit:

• pinnguarnikkut, ullumikkorpiaq misigissutsikkut qanoq inissisimanerup akuerineratigut
• pisinnaasat, sanngiiffiillu akuerinerisigut
• akerleriissinnaanerisigut kaammattuinikkut aqqutissiuussinikkut
• nersualaarinikut kaammatuuinikkullu
• meeqqat meeqqeriviup iluani ininut allanut pulaarsinnaanerat periarfissartinneratigut

3. Meeqqat toqqissisimasut:

• meeqqat toqqissisimassappata angajoqqaavi suleqatigineqassapput
• meeqqqap ineriartornermigut killiffimminullu naapertuuttumik piumaffigalugillu killissaqartinnerisigut
• meeqqat sulisullu imminnut ammaffigisut
• assigiimmik suleriaaseqarnikkut/pissuseqarfiginninnikkut
• sulisut anguniakkaminnik tunaartaminillu ilisimaarinnittut ineriartortullu

4. Pisunut malinnaasut:

• illoqarfimmi pisunut pisussanullu nassuiaallugillu peqataatinnerisigut
• misigissutsikkut inissisimaffiannut tunngasunik eqartuinikkut sammisaqartitsinikkullu
• ukiup qanoq ilinera naapertorlugu sammisaqartarnikkut

5. Atualernissamut piareersimaffiusoq:

• pinnguarneq, takorluuisinnaaneq, eqqaamannissinnaaneq, naatsorsuisinnaaneq, oqaasinnguisinnaaneq, assassornikkullu misigisartitsinikkut periarfissiineq aqqutissiuinerlu

6. Angerlarsimaffimmut tapertaassaaq suleqatiginnillunilu:

• meeqqap pisariaqartitai salliutillugit paaseqatigiinnikkut angajoqqaat sulisullu suleqatigiinnerisigut

7. Meeqqap nammineersinnaassusaanik aqqutissiuisoq:

• atisalersornermi, atisaajarnermi, nerinermi, oqaasinnguinermi, eqqiluisaarnermi, sammisassaqartitsinermi, inooqataanermilu nammineq periarfissinnerisigut

8. Meeqqat akisussaaqataasut:

• meeqqat pisussaaffiinik nassuiaattarnerisigut piumaffigissarnerisigullu, aperisarnerisigut, sammisassanik aalajangeeqatigiittarnikkut paasisitsinikkullu, nerinermi nerereernermilu torersaaqatigiinnermi, atisanik pigisanillu paarisinnaanermik akisussaaffiliinikkut

9. Meeqqat namminneq pilersitsisinnaasut:

• titartaanermi, qiortaanermi, sammisassartitsinermi nammineq takorluuinertik paasinninnertillu malillugu pilersitsisinnaanerisaat periarfissinnerisigut
• misigissutsit aallaavigalugit pinnguarnikkut pilersitsisinnaaneq periarfissillugu

10. Meeqqat isummersinnaasut:

• meeqqap toqqissilluni piareernissaata ataqqinneratigut
• aaqqissuussaasumik tulleriiaarinikkut
• sorusunnerinik paasinninnikkut
• oqaloqatigiinnikkut, oqaluttuarnikkut,  isiginnaartitsinikkut, atuakkanik atuarnikkut, meeqqap oqaatigiumasaanik nassuiaataanillu tusarnaarnikkut

11. Inuiattut oqaatsivut salliutinneqartut:

• meeqqamut akisussaasut angajoqqaallu peqatigalugit kalaallisut oqaatsitta salliutinneqarnerisigut
• oqaaseqatigiinngisat oqaatigineqartut isumaannik nassuiaattarnerisigut
• kisitsisit, amerlassutsit, erinarsorneq, pinnguarnerlu atorlugit siuarsaanikkut

12. Nunatta pissarititaanik atorluaaneq:

• inuussutissanik nunatta immattalu pissaritiaanik atorluaanikkut ilisimasassarsiortitsinikkullu

13. Meeqqat timikkut tarnikkullu peqqissut:

• eqaarsaariarnerit, qitinneq,  nunaliartarnerit, pisuttuarnerit, isiginnaartitsisunut isiginnaariarnerit, nipilersortunut/erinarsortunut tusarnaariarnerit, meeqqap inuttut misigissutsikkullu atukkamigut pisariaqartitaa aallavigalugu meeqqerivimmi periarfissiineq

"Sisi" uunga attavigineqarsinnaavoq
Aqqusinersuaq 20
Postbox 1
3911 Sisimiut
Oqarasuaat: (+299) 86 41 93        
Fax: (+299) 86 35 93
E-mail