Qeqqata Kommuniani, Sisimiuni Maniitsumilu, Ilaqutariinnut kiffartuussiviit marluupput. Ilaqutariit ataatsimut, imaappoq anaanat, ataatat, kisimiittut ilaqutariilluunniit sullitissallugit Ilaqutariinnut kiffartuussiviit nalinginnaasumik pingaarnertut anguniagaraat.
Ilaqutariinnut kiffartuussiviit nalinginnaasumik anguniagaat tullinnguuttutut nassuiarneqarsinnaapput:
- meeqqat angerlarsimaffiup avataanut inissinneqartartut ikilisarneqarnissaat pinngitsoortinneqarnissaalluunniit
- ilaqutariit meerartallit meerartaasa angerlarsimaffiup avataanut inissinneqaratarsinnaanissaannik navianartorsiortut nukittorsassallugit
- ilaqutariit meerartallit perorsaanermik nukittorsassallugit
- ilaqutariit angerlarsimaffiup avataanut inissinneqarsimasunik meerartallit meerartaasa angerlartinneqarnissaat siunertaralugu perorsaanermik ikiorsissallugit nukittorsassallugillu
- ilaqutariit sunniivigeqatigiinnissaminnik ajornartorsiutillit nukittorsassallugit
- ilaqutariit imminnut pilersorsinnaanissaannut ikiorsissallugit
- angajoqqaat ajornartorsiulernissaminnut qanittut katsorsartinnissamik, pinaveersaartitsinissamik imaluunniit ilaqutariinnut højskolernissaannik sioqqutsisumik neqeroorfigineqartarnissaat
- ilaqutariit nuanniitsumik nalaataqarsimasut qaangiiniarnissaannut ikiorsissallugit
- meeqqat inuusuttullu angerlarsimaffiup avataanut inissinneqarsimallutik angerlartinneqarsimasut illersussallugit
- angajoqqaarsiat piginnaasatigut ineriartortinneqarnissaat.
Inuit annertuumik tarnikkut ajornartorsiutillit, skizofrenertut, annertuumik isumatsassimaartut inuillu inuttut ajornartorsiuteqarnermikkut inoqatiminnut akulerunnissaminnut ajornartorsiutillit ilaqutariinnut kiffartuussiviit tungaannit tapersersorneqarsinnaannginnerat ikiorserneqarsinnaannginnerallu ersarissallugu pingaaruteqarpoq.
Sisimiuni Ilaqutariinnut kiffartuussivik
Qajaasat 2
3911 Sisimiut
E-mail
Oqarasuaat: (+299) 86 60 77 (ataasinngornermiit tallimanngorneq ilanngullugu nal. 08.00-miit 16.00 tikillugu)
Maniitsumi Ilaqutariinnut kiffartuussivik
Illunnguit 24
Postboks 362
3912 Maniitsoq
E-mail
Tlf: (+299) 81 25 85 (ataasinngornermiit tallimanngornermut 8.00 – 16.00, pingasunngornerit tamaasa 13.00-imiit 15.00-imut innuttaasunik ammasumik siunnersuineq)
Fax: (+299) 81 24 56