Pisortanit meerarsiaqartinneqartarnissamut akuersissut pisinnaaqqullugu kommune akuliunneqartariaqarpoq.
Meerarsiaqarsinnaanermik akuersissut meerarsiaqarniartunut tunniunneqassappat, meerarsiaqarniartut pillagaasimannginnermut allagartamik takutitseqqaartuaannassapput, meerarlu ajunngitsumik paarineqarnissaanik qulakkeerinissamik siunertaqartumik misissuisoqaqqaartariaqarportaaq.
Nakorsamit allagartaq inunnillu isumaginninnermik nalunaarusiaq aalajangiinissamut tunngavissatut misissuinermi ilanngunneqartariaqarput.
Kommunalbestyrelsip akuersissutaa allanganngorlugu aatsaat pereerpat, meeraq meerarsianngortinneqassaaq, meeqqalli angajoqqaarsiassamini atugassarisai peqqissusianullu isumannaatsuunissaa qulakkeerneqaqqaareepat.
Inuutissarsiutigalugu meerarsiaqartarneq
Ilaqutariinni inersimasortaasut ulluinnarni meeqqanik annertuumik ikiorserneqartariaqartunik paaqqineqartariaqartunillu sullissinermi misilittagaqartuusut inuutissarsiutigalugu meerarsiartaarsinnaanermut akuersissummik tunineqarsinnaapput.
Ilaqutariit tassaasinnaallutik aappaasoq perorsaasutut assigisaanilluunniit inuutissarsiuteqartoq. Meerarsiaqarsinnaatitaanermimi taamatut ittuni ikinnerpaamik angajoqqaani ataaseq meeqqamik meeqqanilluunniit angerlarsimaffimmi ulloq naallugu paqqutarinninnermik suliaqartuusssasoq piumasaqaataavoq.
Pisortanik akunnermiliuttoqarluni meerarsiaqartarneq alla
Perorsaasutut, ilinniartitsisut assigisaanilluunniit ilinniagaqarsimanissaq meerarsiaqarsinnaanermut piumasaqaataanngilaq. Pisortanit meerarsiaqarsinnaanermut akuersissummik peqaraanni pilertortumik meerarsiaqarsinnaanermut, akunnerup naanerani meerarsiaqarsinnaanermut piffissamiluunniit sivisunerusumi meerarsiaqarsinnaanermut piareersimasutut inissisimasinnaavoq, ilaqutariimmi peqqissut pinerlussimannginnermillu uppernarsaatillit meerarsiaqarnissaminnut tunngaviatigut akuerineqarsinnaapput.
Isumaginninnermi pigaartoq meeqqap ikiorneqartariaqarneranik paaqqineqartariaqarneranillu pisariaqartitsisoqarneranik ilisimatinneqaraangat pilertortumik meerarsianngortitsinissaq pisariaqarlertarpoq. Ilaqutariit ilungersunartumik paaqqutariaqartumik meerartallit oqilisaanniarlugit akunnerup naanerani meerarsiaqartitsineq aaqqissuussineruvoq, ilaqutariinni meerarsiaqartitsineq piffissami sivisunerusumi pisartoq, akunnerup ullui tamakkerlugit meeraq ilaqutariinni meerarsiaqartuni najugaqartarmat meerarsiaqartuusut annertuumik akulerusimatinneqartarput.
Annertunerusumik paasissutissat
Meerarsiaqartarneq meerarsiaqarnissamullu akuersissutit periarfissat piumasaqaatillu pillugit siunnersortimik oqaloqateqarnissaq pingaaruteqarpoq, taamaattumik annertunerusumik siunnersorneqarniaraanni ilitsersorneqarniaraannilu kommunemi isumaginninnermut suliffissaqartitsiniarnermilu ingerlatsivimmut saffiginnissasutit/-si innersuussutigineqarpoq.
”Inuutissarsiutigalugu meerarsiaqartarneq” pillugu annertunerusumik paasisaqarniarlutit Ilaqutariinnermut pisortaqarfiup atugaaraataa atuarniarukku una tooruk.
Qeqqata Kommunia
Makkorsip Aqq. 2
Postboks 1014
3911 Sisimiut
Oqarasuaat: (+299) 70 21 01
Fax: (+299) 70 21 77
E-mail
Ilaqutariinnermut Pisortaqarfik
Postboks 260
3900 Nuuk
Oqarasuaat: (+299) 34 50 00
Fax: (+299) 32 45 47
E-mail
Hjemmeside