Meeqqat 18-it inorlugit ukiullit immikkut ikiorserniarlugit meeqqanut tapisiaqartitsinermik aaqqissuussineruvoq, ilaqutariinnut pilersuinissaminnut ikiorsinneqartarialinnut tunniunneqartartut.

Meeqqat  tapisiaat  meeqqat  pilersorneqarnerannut  atortussaapput.

Meeqqat tapisiaat qaammatikkaartumik tunniunneqartalissapput Inatsisartut Inatsisaat nr. 9, 7. December 2009-meersoq tunngavigalugu, taannalu atuutilersinneqarpoq 1. marts 2010.

2010-mi meeqqat tapisiaat tunniunneqarsinnaapput ukiumi akileraarfiusumi 2008-imi, angajoqqaap imaluunniit angajoqqaat meeqqap najugaqarfigisaasa akileraaruteqaataasumik isertitaat tunngavigalugit.

Meeqqat tapisiaat tunngavigalugit angajoqqaanut tunniunneqartassapput, kisianni aamma angajoqqaarsianut paarsaqarnermik akuersissummik atuuttumik peqartunut tunniunneqarsinnaallutik. Meeqqanut tapisiat aamma immikkut pisoqartillugu meeqqanut 15-nik ukioqalereersimasunut tunniunneqarsinnaapput.

Najoqqutatut pingaarnertut meeqqamut tapisiaq aningaasanngorlugu tunniunneqartassaaq, kisianni ataatsimiititaliap paasiguniuk meeqqamut tapisiaq atornerlunneqartoq aalajangiisoqarsinnaavoq tapisiaq ilaannaaluunniit nioqqutissanngorlugit tunniunneqarsinnaasut.

Kikkulluunniit isertitanik akileraaruteqaataasussanik 280.001,00 kr. sinniisimanertik pissutigalugu meeqqat tapisiaannik tunineqarsimanngitsut Kiffartuussivimmut saaffiginninnissaminnut tikilluaqquneqarput, pissutsit ataani taaneqartut allannguutaasut pineqarpata:

toqusoqarsimappat – averusersimagaanni – avissimagaanni - katissimanngitsut uppernarsakkamik inooqatigiikkunnaarsimappata – siusinaarluni pensioneqalersimagaanni – ilinniagaqalersimagaanni.

2009-imili, soorlu Danmarkimiit nuussimasut eqqarsaatigalugit, meeqqat tapisiaasa tunniunneqarnissaannut maannakkut akissarsiaasut tunngavigineqartassapput.

Meeraaqqat inunngorsimasut qaammammi tapisiffiusumi, aatsaat tullermi qaammammi tapisisinnaassapput malittarisassat qulaani taaneqartut angajoqqaajusunit naammassineqarsimappata.

Meeqqanut tapisiaqarsinnaanermut angajoqqaat akissarsiaanut killiliussat ataatsimut allattorsimaffii imaapput:

Isertitat akileraaruteqaataasussat:	Meeqqamut tapiissutit qaammammut:
0                     -          130.000	Kr. 636,42
130.001          -          180.000	Kr. 430,25
180.001          -          280.000	Kr. 239,17
280.001          -       qummullu	Kr.     0

Meeqqanut tapiissutinik pissarsisinnaanerlutit matumani naatsorsoruk