Meeqqanut inissat
44-runut ulloq naallugu inissaqartinneqarput meeqqat ½ år ukiulli 6 år tikillugit. Agguataaqqallutik meeraaqqerivinnut marlunnut, tamarmik meeqqat 12-lut, meeqqerivittaani meeqqat 20-it.
Sulisut amerlassusaat
1 Pisortaq,1 Tullersorteq, Immikkoortortami akisussaasoq ataaseq, 1 Perorsaasoq, 3 Barne/Socialhjælper, 1 igasoq, 1 Eqqiaasoq.
Ammasarfii
Akuleriikkartunik meeraateqarfik "Ungaannguaq” ammartarpoq 7:00 – 17:00 ukioq naallugu.
Arfininngorneq, nalliuttullu pinnagit.
Nerisarfiit
Meeraq ullaakkorsiorersimalluni meeqqerivimmukarnissaa angajoqqaat akisussaaffigivaat.
Meeraq meeqqerivimmut taquaqqusaanngilaq, taquarsimappat angajoqqaap akisussaaffigivaa nerisissallugu anitigani.
Ca.9.15 Annikitsumik tamulugassinneqartarput.
Ca.11.30 Meeraaqqerivimmiut nerisarput.
Ca.11.00 Meeqqerivimmiut nerisarput.
Ca.14.00 Meeqqat tamarmik nerisarput.
Ca.16.30 Annikitsumik tamulugassinneqartarput.
Ukiukkut sapaatip akunnerata iluani pingasoriarlutik kissartunik nerisarput, aasaanerani marloriarlutik. Sapinngisamik nerisaat akuleriissarniartarpagut.
Takuuk sapaatip akunneranut igasup pilersarutai nivingasut, inini aamma takuneqarsinnaapput.
Kigutigissartarneq
Angajoqqaat akisussaaffigivaat meeqqamik kigutigissartarnissaat, meeqqat sungiusartarpaat kigutigissarneq, erminneq, cremmernerlu.
Meeqqat sinittartut
Meeqqat mikisut nerereernerup kingornga pisariaqartittarpaat sininnissaq,tamatigut silami.
Sila qianaraangat illup iluani sinittarput, ullormiit ullormut sila apeqqutaasarpoq, meeqqat anginerit pisariaqartitsineq naapertorlugu illup illuani sinittarput. N.B.Meeqqat mikinerit itersarneq ajorpagut.
Meeqqat sapigallit
Pingaartuuvoq meeraq sapigaqarpat sulisunut kalerriutissallugu.
Meeraq napparsimalerpat
Meeraq napparsimalerpat sulisunut kalerriutigineqassaaq, im.meeqqerivimmi napparsimalerpat angajoqqaavi kalerrissavagut, erniinnarlu aaneqarnissaa piumasarineqarpoq.
Meeraq nakorsaatitorpat angajoqqaat isumagissavaat, sulisut pisinnatitaanngillat meeraq nakorsaatinik tunissallugu, meeraq aatsaat ataavartumik napaateqarpat.
Meeraq napparsimareerluni takkukkuni ajorunnarsimasutut naatsorsuullugu, meeqqaatut allatuulli aneqataassaaq, aneqataasinnaanngikkuni angerlarsimasariaqarpoq.
Atisat /Atisassamaatit
Meeqqani mikinerni, mikinerillu tulliini atisassamaateqartuarnissaq piumasarineqarpoq.
Ukiup qanoq ilinera,ullullu qanoq innera naapertorlugu meeqqat atisaleruk.
Meeqqap atisai ilisarnaateqassapput, im.Atsiorneqarlutik.
Meeraq pinngitsoorani meeqqerivimmi isersimateqassaaq.
Pinngussat /Pinngussanik ullut nassartarfiit
Ataasinngorneq.
Sikkersuniittut mikinerpaajaqqat ataasinngornikkut nassartarput.
Sisamanngorneq.
Meeqqerivimmi ullorissani meeqqat pinngussanik nassartarput.
Tallimanngorneq.
Pakkutani,mikinerni anginerumaat pinngussanik nassartarput.
Pinngussat meeqqat nassataat aserorpata sulisut / meeqqeriviup akisussaaffiginngilai.
Pinngussat bateerillit - nipiliortullit nassaqqusaanngillat.
Ullut allat taaneqanngitsut nassarfiunngillat.
Aggiusinermi / Aallernermi
9.30 kingusinnerpaami meerarsi aggiuterersimassaaq,inini pilersaarutit tunngavigalugit.
Eqqaamallugu meerarsi kingusinaassappat,napparsimappalluunniit nalunaarutigissagakku.
Pingaartipparput paasitinneqarnissarput meeraq allamik aaneqassappat.
Arlaannik immikkut pilersaaruteqartilluta,ulloq sioqqullugu nalunartassaagut.
Meeqqamik aggiussisut qaavatigut atisai nammineq piissallugit, meeqqamillu aallertup nammineq atisalersortussaallugu. Sianertoqarsinnaanngilaq oqarluni aalerpara /aatilerpara atisalersulaarsiuk.
Meeqqat ukiukitsut aalleqqusaanngillat.
Pisartut aaliangersimasut
Anaalerivissiorneq – Påske – 1 juni meeqqat ulluat – Aasaanerani asiaqatigiinneq – Juulli.
Anaalerivissiorneq meeqqat sulisullu kisimik, angajoqqaat ilaanatik.allani nalliuttuni angajoqqaat tikilluaqqusaapput.
Ungaannguaq-p anguniagai
• Meeraq pinngutitamik avatangiisinillu ataqqinninnissaanik akisussaaffeqarnissaanillu ilinniartissallugu.
• Meeqqap toqqissisimanermik, qanilaarnermik,isumassorneqarnermik, taavalu ataqqineqarnissamik misigitinnissaanut, taassuma inuunerani sinaakkutissat ilusilersorneqassapput. Meeqqat inoqataanikkut pisinnatitaaffii, taavalu misiginneqatiginninnera.
• Meeraq kinaassutsiminik ilinniartinneqassasoq, aammalu nammineersinnaanera piorsarneqarluni.
• Meeqqat oqalunnerisa ineriartortinnissaannut peqataarusuppugut, kiisalu sanngiffiinik tapersersuinikkut.
2012-mut ukiumoortumik pilersaarut
Integreret institution “Ungaannguaq”
Nikkorsuit B-1291
3911 Sisimiut
Postbokx 164
T.L.F.865307
Fax 865314
Mael.nnguaq@greennet.gl