Nuunu akuleriisitsilluni meeqqeriviusvoq meeqqanut ukioqanngitsuniit atualertussanut 20-nut inissaqartitsisoq.

Meeqqat ulluinnarni atugaa
Meeqqerivik Itillimut isikkivigissaarluni qaqqajunnami sivinganermiippoq, pinngortitamullu qanittumi inissisimalluni. Aasaanerani perorsaasut meeqqallu ilaatigut tupersimaariartortarput, tassanilu igaasartarlutik, paarnartartarlutik, naasunik katersisarlutik, paasisassarsiortarlutik pinnguartarlutillu.

Ukiuunerani sisoraarianngikkaangamik apummik pinnguartarput. Sisoraariarniartillutik meeqqeriviup kælk-ii, nuluusai, kurebræt-ii puisip amiilu sisoraarutigisarpaat.

Anguniagaq sulisullu
Meeqqat peqqissuunissaannut, nammineersinnaanerulernissaannut, inoqatiminnut ikiuisinnaanissaannut, imminnut tatiginerulernissaannut, toqqissisimanissaanut, rytmik-ip ilinniarnissaanut kiisalu oqaatsit qanoq atorneqartarnerisigut oqaatigineqartarnerisigullu ineriartortinneqarnissaannut meeqqerivimmi sulisut ikiuisarput.

Ulluinnarni pisortaq ilanngullugu meeqqerivimmi sulisut sisamaapput, meeqqerivillu ataasinngornermiit tallimanngornerup tungaanut 07.00-imiit 17.00-ip tungaanut ammasarluni.

2012-mut ukiumoortumik pilersaarut