Meeqqerivik ”Nuka” Kommunip meeqqeriviutigivaa pilersinneqarsimalunilu 1993-mi Namminersornerullutik Oqartussat ataani.
1. juni 1995-imi ”Nuka” maanga inigisaminut nuunneqarpoq, marlunnik immikkoortortaqarluni, meeraaqqerivik ataaseq meeqqerivittaalu ataaseq Sisimiut Kommuniata ataaniilluni.
1. oktober 2006 meeqqerivik meeraaqqanut immikkoortortamik ilaqqinneqarpoq maannakkullu meeqqanut 48-nut sulisunullu 12-nut naatsorsuussaalluni.
Meeqqerivik pingasunut agguagaavoq, meeraaqqanut immikkoortortat marluk tamarmik 12-nik meerartaqartut meeqqerivillu ataaseq 24-nik meerartaqarluni.
Meeqqerivik inimik ataatsimik ilaqqinneqarpoq 1.november 2009.
1.jannuar 2010 aallarnerfigaliigu meeqqat amerlassusiat imaalerpoq:
0-2: ukiullit: 24-it
3-6: ukiullit: 38-it

Meeraateqarfik Nuka
Postboks 59
( Ani Butik akiani illu qorsuk)
3900 Kangerlussuaq
Tlf: 84 11 75/ Fax: 84 11 73
E-mail: nukamut@greennet.gl

Ammasarfiit:
Meeqqerivik ammasarpoq nal. 6.45-miit 17.00-mut sap. ak. siullerni tallimani.
Meeqqerivik ullup affaannaani ammasarpoq 6. januar aamma 1. maj.
21. juni kalaallit inuiattut ullorsiortarput taamaattumik meeqqerivik matoqqasarpoq.

Nerisarfiit:
Meeqqerivik ullaakkorsiortitsineq ajorpoq Sisimiut Kommuniani meeqqeriviit allat ilaarlugit. Meeqqat ullaakkorsiussappata angajoqqaat tamanna akisussaaffigivaat. Angajoqqaat kaffisorlutillu tiitorsinnaapput meeqqat sulisullu peqatigalugit.
Nal. 11 missaani meeraaqqerivimmiut ullup qeqqasiortarput 11.30-llu missaani meeqqerivimmiut nerisarlutik.
Ukiuunerani ataasinngorneq, pingasunngorneq tallimanngornerlu kissartunik nerisarput, marlunngorneq sisamanngornerlu iffiartortarput. Aasaanerani paarlangasarput.

Kigutigissartarneq:
Ilisimatitsissutigissarvarput kigutigissartarneq angajoqqaat akisussaaffigimmassuk. Meeqqat meeqqerivimmi kigutigiesarlutik, ermillutik, crème-r nerlu “sungiusartarpaat”

Meeqqat sinittartut:
Meeraaqqat amerlanersaat ullormut arlaleriarlutik sininnissaminnik pisariaqartitsisarput. Mikinerpaat aneerussivinni sinittarput sapinngisamik silami. Nillerpallaaraangat illup iluani sinittarput. Ullormiit ulormut nalilerneqartarpoq. “Angajulliit” tamatigut illup iluani sinittarput pisariaqartitsinertik malillugu.
NB: Meeqqat sinittut itersarneq ajorpagut.

Sapigaqarneq:
Pisariaqarpoq angajoqqaat sulisunut paasititsiissallutik meeraq arlaatigut sapigaqarpat.

Meeqqat akornanni napparsimasarneq:
Meerarsi napparsimalersimappat sulisut imaluunniit meeqqerivik  nalunaarfigisiuk nappaat tuniluuttuusinnaammat. Tuniluuttuuppat angajoqqaat allat aamma allagarsiinikkut paasitinneqartarput.
Meeqqat aneersinnaasariaqarput meeqqerivimmiissagunik. Meeqqat aneqqusaanngitsut tiguneq ajorpagut.
Meeqqat nakorsaatitortut angajoqqaat akisussaaffigisarpat.  Nakorsaatinik tunniusisarneq sulisut akisussaaffigisinnaanngilaat pinngitsoorsinnaanngisaminik nakorsaateqarnera eqqaasanngikkaanni.
Ullup ingerlanerani meeraq napparsimalerpat angajoqqaat saaffigineqartarput, taamaalilluni piaartumik meeraq aaneqarniassammat.

Atisat:
Meeraq atisassamaatissaminik sillimmateqartuaannassaaq meeqqap atisaajartarfiani.
Meerarsi atisalersorsiuk silap qanoq innera malillugu aamma ukiup qanoq ilinera malillugu.
Kaammattuutigivarput meeqqap atisai nalunaaqutsertaqqullugit.
Pingaaruteqarpoq meeraq meeqqerivimmi isersimmateqarnissaa.

Pinngussat:
Sisamanngornerit tamaasa meeqqat pinngussanik nassarsinnaapput.
Pinngussat aserorpata meeqqeriviup akisussaaffigineq ajorpai.

Aggiussineq/ aallertarneq:
Igaffik eqqarsaatigalugu meeraq kingusinnerpaamik 9.30 meeqqerivimmeeriissaaq.
Meeraq kingusinaarluni takkutissappat, napparsimappat imaluunniit takkutissanngippat nal. 9.30 nallertinnagu nalunaalaaritsi tlf. 841175.
Aamma uagutsinnut pingaaruteqarpoq paasissallugu meeraq angajoqqaat saniatigut allaninngaanniit aaneqassappat.
Immikkut ittumik meeqqanut pilersaaruteqarutta nal. 10.00 nallertinnagu paasissutissiisarpugut.

Malittarisassat / Ataqqinninneq:
“Nuka”-mi malittarisassagut ataqqineqarnissaat kissaatigivagut. Soorlu, pinnguartarfimmi ungalut meeqqaniit angajoqqaaniillu qulaanneqassanngillat, silami taamaallaat arsartoqarsinnaavoq aamma nerineq nerrivimmi ingerlanneqartarpoq, (asimiittuusaanngikkaanni) il.il. Meeqqat illersorniarlugit malittarisassaqarpoq, kisianni aamma pigisanik ataqqinninnermik ilinniartinniarlugit.

Ileqqut:
Ukiut ingerlanerini “Nuka”-mi ileqquulersimasut ataavartinniarsarivagut. Soorlu, juullerpalaartitsineq, seqinersiorneq, anaalerineq, asiaqatigiinneq il.il.

Angajoqqaanik ataasiakkaarisarneq:
Angajoqqaanik ataasiakkaarisarneq ukiumut marloriarluni neqeroorutaasarpoq 15 – 20 min. sivisussuseqartumik, meerarsi qanoq ineriartornersoq qanorlu innersoq eqqartorlutigit.
Uummammioqarussi meerarsi pillugu oqaatigerusutassinnik, sulisut oqaluunnissaannut tikilluaqqusaajuaannarpusi.
Angajoqqaat sulisullu akunnerminni suleqatigiilluarnissaat pingaaruteqarpoq.

Atuisoqatigiit Ataatsimiinnerat:
Perqqussut nr. 10, 5.december 2008 – meersoq naapertorlugu atmisoqatigiit ukiumut sisamaniarluni ataatsimiisinneqartasapput.

Meeqqerivinni kommunit ingerlassaanni atuisut ataatsimoorfiat:
Meeqqerivinni tamani pisortap minnerpaamik ukiumut sisamariarluni atuisut ataatsimoorfiat ataatsimiigiaqqusassavaa, taakku tassaapput angajoqqaatut oqartussaasut/meeqqamik pilersuisuiit meeqqerivimmilu sulisut tamarmik.

2012-mut ukiumoortumik pilersaarut

Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut peqqussutaat nr. 10, 5. december 2008-meersoq