Meerarsi Qeqqata Kommuniata meeqqeriviutaaniittalernissaa kissaatigigussiuk, utaqqisut allattorsimaffiani allatissaaq.

Utaqqisut allattorsimaffiat taanna tunngavigalugu meeqqerivinnut assigiinngitsunut ingerlaavartumik agguataarneqartarput, aammalu meeqqerivinnut/angerlarsimaffinni paarsisunut meeqqanik inissiisarnermut kaajallaasitami nassuiarneqarneratulli salliutitsilluni inissiisarneq arlalinnik aalajangiinermi tunngaveqarpoq.

Meeqqat agguataarneqarneri imatut tulleriinneqarput:

• Meeqqap inuttut peroriartornikkullu pisariaqartitaa pissutsilluunniit allat pissutigalugit ineriartornissaanut ajoqutaasinnaanera pissutigalugu inissinneqarnissaa isumaginninermik ataatsimiititalianit innersuunneqarpat.
• Meeqqat ukiutik pissutigalugit meeraaqqerivinniit meeqqerivinnut nuunneqassappata.
• Meeqqanik pilersuisoq kisermaajuppat suliffeqarluniluunniit ilinniartuuppat.
• Meeqqanik pilersuisut marluullutik suliffeqarpata ilinniartuuppataluunniit.
• Meeqqanik pilersuisut aappaannaa suliffeqarpat ilinniartuuppalluunniit.
• Meeqqanik pilersuisut suliffeqanngippata ilinniartuuppataluunniit.

Meeraq qaqugukkut allatsinneqarsinnaava?
Meeraq aatsaat inooreernerata kingorna meeqqerivimmut inissamut allatsinneqarsinnaavoq.
Meeraq inuuppat Qeqqata Kommuniata avataani najugaqarussi nuunnissamilli eqqarsaateqarlusi, taava nuunnissarsi sioqqullugu meeraq arfinilinnik qaammateqareerpat allatsinneqarsinnaavoq. Utaqqisuni allattorsimaffimmiinneq kommunemiit allamiit nuunnermi nuutsissinnaanngilarsi.

Meeqqerivinnut inissarsinermut immersuiffissaq uani aaguk.

Annertunerusumik paasissutissat:
Sisimiuni:
Rosa Heilmann
(+299) 86 74 03
E-mail

Maniitsumi:
Arnannguaq Heilmann
(+299) 81 75 34
E-mail