Kommunip sanaartukkat ingerlatai sanaartugassallu Teknikkimut Avatangiisinullu Immikkoortortap malinnaaffigai, tamatumanilu isumaqatigiissutit piffissaliussallu malinneqarnissaat qulakkeerniassallugit.
Taamaasilluni sanaartukkat politikkikkut isummerfigineriniit aalajangiiffiginerinut, sanaartukkallu naammassinissaasa tungaannut immikkoortortap malinnaaffigisarpai.
Sanaartukkat anginerit ingerlanneqartut nalunaarsorneri, sumi inissisimaneri, qaqugulu aallartinneqarnissaat matumap ataani takuneqarsinnaapput.
Nalunaarsuiffik tulliuttoq februarip 3-ani 2011-mi suliaavoq
Sisimiut:
• Kangerluaarsunnguaq sinerlugu imeqarfiup tungaanut inuussutissarsiorfissamut aqqusineq.
• Niviarsiaq-mi utoqqarnut pisinnaanerusunut inissiat aqqaneq-marluk, aallartinneqassapput: 2010-mi marsip qaammataani – 2012-imi naammassineqarnissaa naatsorsuutigineqarluni .
• Aadammip aqquserngani ilinniartunut inissiat 30-t.
• Arsaattarfiup eqqaani meeqqerivik nr. 3, pilersaarusiorneq ingerlavoq, sanaartornerup 2010-mi juulimi aallartinneqarnissaa, 2012-imilu naammassineqarnissaa naatsorsuutigineqarpoq.
• AKIA-ni A20-mi sanaartorfigissaaneq: 2007-imi aallartinneqarpoq, 2011-milu naammassineqarnissaa naatsorsuutigineqarluni
• Nalunnguarfiup Atuarfianik iluarsartuussineq. Immikkoortup siulliup aallartinneqartup 2011-mi septembarimi naammassineqassaaq.
• Minngortuunnguup Atuarfianik iluarsartuussineq. 2011-mi juulimi isaterneqassaaq, sanaartornerlu 2012-imi upernaakkut aallartissangatinneqarluni, 2015-imi aasakkut naammassissangatinneqarpoq.
Kangerlussuaq:
• Kangerlussuarmi kuuffissuarnik taarsersuineq, 2009-mi aallartinneqarpoq - 2011-milu naammassissangatinneqarluni.
Maniitsoq:
• Meeqqerivik nutaaq. Suliariumannittussarsiussineq 2011-mi apriilimi ingerlanneqassangatinneqarpoq.
• Utoqqarnut pisinnaanerusunut inissiat 16-it. Suliariumannittussarsiussineq 2011-mi maajimi ingerlanneqassangatinneqarpoq.
• Ungusivimmi sanaartorfigissaaneq. Aallartinneqareerluni 2011-mi aasakkut naammassissangatinneqarpoq.
Paasissutissat allat
Pisortat sanaartortitaannut tunngatillugu allatigut apeqqutissaqaruit, Qeqqata Kommniani sanaartornermut immikkoortortamut saaffiginnissuteqarnissannut tikilluaqqusaavutit.