Sisimiuni 2012-imi juunip 1-iani isumaqatigiissuteqarnikkulluunniit tiguneqarsinnaanngorlugit illunik Qeqqata Kommunia tuniniaavoq.

B-1143 & B-1144, inissisimasoq Niviarsiaq 17A & 17B
Illu kuuffissuarmut attaviligaavoq 1985-imilu GTO typehusserie 79-5-itut affarleriittut sanaajulluni, 68 m2 missaanilu angissuseqarluni. B-1143 silarlermik, paarlermik, uffarfimmik, perusuersartarfimmik, ininik pingasunik nerisarfiutigalunilu igaffimmik peqarpoq. B-1144 silarlermik, paarlermik, perusuersartarfimmik/uffarfimmik, igaffiup silarlianik, ininik pingasunik nerisarfiutigalunilu igaffimmik peqarpoq. Inini oqoqartoq paasineqarsimavoq.

B-530B, inissisimasoq Kaalikassaap Aqq. 34
Illu typehus 18D-tut sanaajulluni 71 m2-mik annertussuseqarpoq aammalu torsuusaqarluni, igaffiup silarleqarluni, nerisarfiutigaluni igaffeqarluni, inersuaqarluni, majuartarfeqarfeqarluni, perusuersartarfeqarluni uffarfeqarlunilu kiisalu qaliani marlunnik ineqarpoq.
Illu 1985-imi iluarsartuunneqarnikuuvoq oqorsaqqinneqarlunilu. Illu kuuffissuarmut attaviligaanngilaq. Illumiit 15 m-imik qaninnerusumi pingaarnertut kuuffissuup aqqutaa pilersinneqarsimappat, Illumik piginnittortaap kuuffissuup aqqutaanut illu attavilersissavaa.

Pisinissamut soqutiginnittunut kommunimi Sisimiuni Teknikkimut Avatangiisinullu immikkoortortamut, Guutaap Aqq. 3 imaluunniit oqarasuaat 70 21 00 saaffiginninnikkut illut takutinneqassapput.

Neqeroorut allaganngorlugu neqeroorutip annertussusissaanik koruuninngukkamik allatallerlugu kiisalu atermik, najukkamik kiisalu oqarasuaatip normuanik/email-imik ilalerlugu uunga nassiunneqassaaq:
Qeqqata Kommunia
Teknik & Miljø
Postboks 1014
3911 Sisimiut
Ilisarnaat: B-1143 & B- 1144-imik pisinissamik neqeroorut aamma/imaluunniit Ilisarnaat: B-530B-imik pisinissamik neqeroorut

Pisinissamik neqeroorutit:
• Allakkatigut allakkap puuanut kinaassutsimik allassimanngitsumut poorlugit nassiunneqassapput
• Kingusinnerpaamik marlunngornermi 22. maj 2012, nal. 12.00, kommunip tigoreersimassavai, tamatuma kingorna pisinissamik neqeroorutit nassiunneqarsimasut ammarneqassapput
• Pituttorsimasuuvoq piumasaqaatitaqassanani allanngortinneqarsinnaassananilu

Matumuuna tamanut suliariumannittussarsiuunneqarpoq:
Sisimiuni qatserutaasivimmik alliliineq.
Suliassaq tamakkiisumik suliassatut suliassanik tullinnguuttunik imaqartumik neqeroorutigineqarpoq:

·      Nunamik suliaqarneq
·      Beton-imik suliaqarneq
·      Sananermik inaarsaanermillu suliaqarneq
·      Qalipaaneq

Suliassat piffissami 2012-imi juunip 1-ianiit 2012-imi oktobarip 1-iata tungaanut suliarineqassapput.
Neqeroortitsinermi atortussat Sisimiuni Teknikkimut Avatangiisinullu immikkoortortaqarfimmi aaneqarsinnaapput.
Suliariumannittussarsiuussineq 2012-imi maajip 1-iani nal. 10.00, Sisimiuni Teknikkimut Avatangiisinullu Immikkoortortami ingerlanneqassaaq.
Suliassaq akikinnerpaamik neqerooruteqartumut suliakkiutigineqassaaq.

Qeqqata Kommunia
Teknikkimut avatangiisinullu immikkoortortaq
Postboks 1014, 3911 – Sisimiut