Nunaminertamik atugassiineq inniminniinerlu

Kalaallit Nunaanni nuna tunngaviusumik innuttaasut ataatsimoorussarimmassuk, nunaminertamik atuinissat tamatigut nakkutilliisunut nunaminertamik nutaamik atulinnginninni qinnuteqaatigisassa-rivat. Atuisinnaatitaaneq taanna nunaminertamik atugassinneqarnikkut pissarsiarissavat.

Qanoq ilisukkut nunaminertamik atugassaqartitaaneq pigissavara?

Nunaminertamik atugassinneqarsimaneq atorfissaqartissavat, sanaartornissanni aqqusinissaanullu nunaminertanik nutaanik taamatullu allanut tamanut assersuutigalugu aneraasaartarfimmut, angalla-tivit qaqinnerani inissaanut, containerimik inissiivissatut, qimminut inissiivissamik il.il. atorfissa-qartitsiguit.

Tamatuma saniatigut nunaminertamik atugassiissutaasimasoq allatut atorneqassagaluarpat, sanaar-tugaasimasut ingutserneqassappata kiisalu piginnittut allanngornerini aamma tamanna qinnuteqaati-gineqassaaq.

Nunaminertamik atugassinneqarnissannik imatut qinnuteqassaatit
• Qinnuteqaat immersoruk
• Pilersaarutivit nunami eqqaamiunullu qanoq isikkoqarnissaa takussutissillugu, pilersaarutip saqqaatalu titartarneri aalajangersimasumik sammivillit ilanngutikkit.
• Eqitsit immersukkat anillatseriarlugu atsioruk.
• Eqitsit tulliuttumut nassiunneqassaaq: Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortortaq. Immersugaq atsiugaq aamma scanneriarlugu uunga: qeqqata@qeqqata.gl nassiunneqarsinnaavoq.

Tulliuttut maluginiassavatit
• Kommunip qinnuteqaat atsiugaq tiguppagu aatsaat suliaq aallartinneqarsinnaavoq.
• Januaarip 1-ani 2012-imiit nunaminertamik qinnuteqarneq akeqalernikuuvoq. Nunaminertamillu inniminniiguit, atugassinneqaruit itigartitaagaluaruilluunniit akiligassaq akilerneqartussaavoq. Nunaminertamik tunineqarnissami suliaqarnermut akigititatigut takussutissiami Nunaminertamik suliaqarnermi akini takusinnaavat.
• Nunaminertamik qinnuteqarnermi uppernarsaatissat annertunerusut kommunalbestyrelsip piumasarisinnaavai, tamatuani tulliuttut ilanngullugit:
o suliassamut atatillugu aningaasaqarnikkut piviusorsiortuuneranik aningaaserivimmiit nammineq akiliisinnaassusermut qularnaveeqqutitut uppernarsaatissat, realkriditsimiit attartorsinnaanissamut siumoortumik akuersissut aamma/imlt. kommunimiit Namminersorlutik Oqartusaaniillu tapersersiilluni akuersissutit.
o Kommunip pilersaarusiorneqarneranik aalajangersakkanut naapertuuttuuneranut uppernarsaatit allat, taamatullu suliap aalajangiiffiginissaani pisariaqartitat allat.

Paasissutissat annertunerusut
Annertunerusumik paasissutissinneqarsinnaavutit uani nunaminertamik atugassinneqarnissami ilitsersuut. Qinnuteqaativit naammaginartuunissaa, eqqortumillu immersugaasimanissaa illit nammineq akisussaaffigissavat.

Nunaminertamik atugassinneqarnissamut tunngasutigut apeqqutissaqaruit, tamatigut Teknikkimut Avatangiisinullu immikkoortortamut saaffiginnissinnaavutit.

Nunaminertamik inniminniineq
Nunaminertamik atugassinneqarnissannut atatillugu inniminniiniarlutit qinnuteqarsinnaavutit.
Nunaminertamik inniminniinissamik akuersaarneq tassaavoq, kommunalbestyrelsip nunaminerta-mik atugassiiniarnerminik piumasaqaatinik naammassinnittoqarsinnaappat akuersaarluni iliuusaa.

Nunaminertamik inniminniinermik akuersissut imaanngilaq nunaminertamik atuisinnaanermik akuersissut, tassaallunili piffissap iluani qinnuteqartup pilersaarutiminik aningaasaqarnikkut il.il. aaqqiinniarnissaminut periarfissaqarfissaa.

Nunaminertamik inniminniineq qaammatinut pingasunut atugassatut piffissaligaavoq. Nunaminertanut sanaartugassanut annerusunut atugassanut sanaartorfissanulluunniit nunaminertamik inniminniinnermi periarfissatut piffissaliussassaq ukiup affaanut sivitsorneqarsinnaavoq.

Sumiiffinni nunaminertanik nutaanik periarfissanik nalunaaruteqartoqartillugu qinnuteqarniaruit inniminneeqqaassaatit malitsigisaanillu nunaminertamik atugassinneqarnissannik qinnuteqarlutit. Tamakkulu aamma aalajangersimasut naapertorlugit tapiiffigineqarluni sanaartornissami atuupput.

Nunaminertamik innimminniiniaruit imatut qinnuteqassaatit
• Qinnuteqaatissaq immersoruk, allaaserineranilu maluginiaqqujuk, iniminniineq pineqarmat.
• Sanaartukkap qaqugu aallartinnissaa naatsorsuutiginerlugu qaqugulu sanaartukkap naammas-sinissaa naatsorsuutiginerlugu piffissatut pilersaarummik ilanngussigit
• Pilersaarutip aningaasaqarnikkut nalissaanut uppernarsaammik ilanngussigit, tassa imaappoq, sanaartorfigissaanissamut akileeqataassutissamut aningaasartuutinut akiliisinnaanerlutit, tamatumalu malitsigisaanik nunaminertami sanaartornissamut akissaqarnerlutit
• Taakku saniatigut qinnuteqaat sanaartorfissani sorlerni sanaartornissannik kissaateqarnersutit pingaarnersiuinermik imaqassaaq.
• Eqitsit immersukkat anillatseriarlugu atsioruk.
• Eqitsit tulliuttumut nassiunneqassaaq: Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortortaq. Immersugaq atsiugaq aamma scanneriarlugu uunga: qeqqata@qeqqata.gl nassiunneqarsinnaavoq.

Tulliuttut maluginiassavatit
• Kommunip qinnuteqaat atsiugaq tiguppagu aatsaat suliaq aallartinneqarsinnaavoq.
• Januaarip 1-ani 2012-imiit nunaminertamik qinnuteqarneq akeqalernikuuvoq. Nunaminertamillu inniminniiguit, atugassinneqaruit itigartitaagaluaruilluunniit akiligassaq akilerneqartussaalluni. Nunaminertamik tunineqarnissami suliaqarnermut akigititatigut takussutissiami Nunaminertamik suliaqarnermi akini takusinnaavat.
• Sanaartorfissanut ataasiakkaanut arlalinnik piukkunnaatilinnik qinnuteqartoqartillugu, agguaassineq makitsi-nikkut pissaaq. Agguaassineq makitsinissarluunniit qinnuteqarfiup qaanngiunnerani Teknikkimut Avatangiisi-nullu immikkoortortamit ingerlanneqassaaq.

Paasissutissat annertunerusut
Qinnuteqaativit immersornissaani kommunip allaffeqarfiini ikiorneqarsinnaavutit. Qinnuteqaativit naammaginartuunissaa, eqqortumillu immersugaasimanissaa illit nammineq akisussaaffigissavat.

Nunaminertamik atugassinneqarnissamut tunngasutigut apeqqutissaqaruit, tamatigut Teknikkimut Avatangiisinullu immikkoortortamut saaffiginnissinnaavutit.