Kommunemi pilersaarut suugami?
Kommunemi pilersaarummi tulliuttutigut anguniakkat pingaarnerit aalajangersarneqartarput, kommunemi sanaartorfissat qanoq ineriartortinneqarnissaat, taamaasilluni kommunemi pilersaarut kommunemi illoqarfimmut nunaqarfinnullu taamatullu kommunip nunaannarmi soqutigisaatigut pilersaarusiaasarpoq.
Kommunemi pilersaarusiaq pilersaarutinut nassuiaasersorlugu aaqqitaasarpoq, innuttaasunut tunngasut immikkortillugit, kiisalu immikkoortortanut arlainnut pilersaarutitalerlugu, tamaasa killiffilerlugit, ineriartortinnissaat isikkulerlugu, anguniagartalerlugu, iliuusissallu pilersaarusiorlugit kiisalu immikkoortortat aningaasalersornerisigut pilersaarusiorlugit.

Pilersaarusiaq sunik imaqartinneqartarpa?
Sanaartorfissatut pilersaarusiakkut inissiat, suliffissat, suliffeqarfissat, paaqqinnittarfiit, angallannikkut attaveqaatissat teknikkikkullu sanaartugassat allat aalajangersaaffiusarput.
Pilersaarusiornermi killiliussaqarfissatut taasat immikkoortiterneqartarput, tamakkulu sukumiisu-mik malittarisassiorneqartarlutik. Peqatigitillugu killiliussaqarfiit ataasiakkaarlugit immikkoortumi pilersaarusiornissamut aalajangersaaffigineqarsinnaasarlutik.

Kommunemi nunaminertanik atugassiissarnermut malittarisassat
Kommunemi pilersaarusiornermut atatillugu aamma kommunemi nunaminertanik atugassiissarnermut malittarisassat allajagersarneqartarputtaaq, tamatumuuna sanaartorfissami sanaartugassat qanoq ittuunissaat killilersorneqartarluni.

Tamanut saqqummiussineq
Kommunemi pilersaarusiassatut siunnersuut sapaatip akunnerini aqqaneq-marlunni tamanut saqqummiunneqassaaq, innuttaasut oqaaseqaateqarnissaannut periarfissaqartinniarlugit. Tamatuma kingorna kommunemi pilersaarusiaq Naalakkersuisut pilersaarusiaq atuutilersinneqannginnerani akuersissutigeqqaassavaat.

Suna maannakkut atuuttuuva?
Qeqqata Kommuniani 1992-imiit 2005-imut Kommunemi pilersaarusiaq atuuttuuvoq, taannalu ingerlaavartumik iluarsiissuteqarfiusarluni kommunemilu pilersaarummut tapiliussatigut malinnaatinneqarluni. Kommunemi pilersaarusiamut tapiliussaq illoqarfimmi nunaqarfimmiluunniit immik-koortoq minnerusuinnarmut tunngasuugajuppoq, taannalu suliarineqartarluni kommunemi pilersaarutip sanaartugassatut pilersaaruteqartoqartillugu nutaamilluunniit sanaartotoqassatillugu iluarsiiffiginissaa pisariaqalertillugu.

Kommunimi pilersaarut nutaaq
Qeqqata Kommuniata massakkut kommunimi pilersaarutip nutarterneqarnissaa ataatsimoortillugu suliarivaa, taamaattumillu pilersarutit taakkuninngalu ingerlatsineq maanna naleqqussarneqaleruttorlutik.
Pilersaarusiornerup ingerlanerani kommunimi pilersaarummut nutaamut aallarniutitut Pilersaarusiornermut periusissaq tamanut saqqummiunneqarnikuuvoq, taannalu digitalinngorlugu suliarineqarluni, kommunimilu pilersaarut tapiliussartalik kommunip nittartagaani atuarneqarsinnaasoq nutartigaajuannartussaavoq.
Kommunimi pilersaarut nutaaq 2012 naatinnagu inaarutaasumik akuersissutigineqareersimassaaq.

Pilersaarusiorfimmut Kommunit pisinnaatitaaffii
Kommunit 18-iusut kommuunerujussuarnut sisamanut kattussuunneqarneratigut aaqqissuusseqqinnermut uiggiullugu, kommunimut pilersaarusiortarneq pillugu aalajangiisarnissamut pisinnaatitaaffik kommuninit tiguneqarnikuuvoq, nunaannarmullu pilersaarusiortarneq ingerlatsinerlu 01.01.2011 aallarnerfigalugu kommuninit aamma tiguneqassaaq.
Kommunemi pilersaarut maannakkut atuuttuusoq sumi takusinnaavara?
Kommunemi pilersaarutip annersaa nittartakkami matumani misissorsinnaavat, tassami kommunimi pilersaarutit killiliussaqarfiillu tamakkerlutik nunap assingini digitalinngortitani ’Suut ullumikkut atuuppat – Titartakkat atuuttut' qulequtalimmi nassaarineqarsinnaapput

Apeqqutissaqaruit Qeqqata Kommuniani teknikkimut avatangiisinullu ingerlatsivimmut saaffiginnissinnaavutit pappiaraannanngorlugu pigineqarmat. Kommunemi atuakkanik atorniartarfimmi aamma pilersaarusiaq, tapiliussallu piulermalli suliarineqarsimasut takusinnaavatit.