Kalaallit Nunaata iluani /-mulluunniit nuunneq
Kalaallit Nunaata iluani nuukkuit, imaluunniit Danmarkimiit Kalaallit Nunaannut nuukkuit, taava nuunnermut immersugassaq immersussavat, taannalu kommunemi nuuffigisanni kommunep allaffissuani imaluunniit nunaqarfimmi allaffeqarfimmut inuit allattorsimaffiannut kiffartuussiviup eqqaaniittumut tunniullugu.

Eqqaamajuk, nuunnermi ullut tallimat ingerlanerini nuunnerit nalunaarutigisussaagakku. Nuunnermut nalunaarfissaq una toorlugu aaneqarsinnaavoq allatillugulu – imaluunniit kommunemi allaffiup kiffartuussivianut nunaqarfimmiluunniit allaffeqarfimmut saaffiginninnikkut.

Inimi najugarigallarisassanni najugaqaruit, najugaqalernissamulluunniit utaqqillutit najugaqartitaaguit, tassa sulisitsisuit najugaataani, taava najugarigallakkannut nuunnerit nalunaarutigissavat. Eqqaamajuk, najugavissannut nuukkuit nuunninnut nutaamik immersuissagavit.

Tamatigut eqqaamasaruk, ilitsersuut sukumiisumik atuassagakku nuunnermilu nalunaarut eqqortumik immersorlugu. Naqinnerit angisuut atukkit, aqquserngullu aqqa, illup normua, B normu, quleriit qassingat assigisaallu, taamatullu postnummer boseqaruillu normu eqqortumik allakkit, nuunninnut allagartap nuuffinni inunnut allattorsimaffimmut tunniutinnginnerani.

Nuunnermi immersugassaq aajuk

Sverigemit, Norgemit, Islandimit, Savalimmiunit Finlandimilluunniit Kalaallit Nunaannut nuunniarpit, taava passit nunasinermullu nalunaarut nuunnermi takutinneqassaaq kiisalu inuup normuanut uppernarsaat nunagisimasanneersoq nassarneqassaaq, taamaalillutit Kalaallit Nunaanni nalunaarsorneqarsinnaaniassagavit.

Danmarkip Nunalluunniit avannarlermiut avataanit nunanit allaniit Kalaallit Nunaannut nuunniarpit, taava nunasiniarnermi immersugassaq immikkut ittoq immersussavat, taamaalillutit Kalaallit Nunaanni najugaqalersutut nalunaarsorneqarsinnaaqqullutit. Passit najugaqarsinnaanermullu akuersissut nassassavat, taamaanngippat kommunerilikkavit nunasinermut immersukkat akuerisinnaanagulu inuit allattorsiamffianut ilanngussinnaanavianngimmatsit.

Nunait allaniit nuunnermi eqqaamasassat allattorsimaffiat aajuk

Kalaalit Nunaanniit nuunneq
Kalaallit Nunaanniit Qallunaat Nunaannuunngitsoq nunanulli allanut nuukkuit, taava nunamiit anininnut immersugassaq immersussavat. Tamatumani kina, najugaqarfimmiit sumiit najugaqarfimmut sumut nuunnersoq nalunaarutigissavat.

Sisimiuni qinnuteqaateqarnermi immersugaq kommunep alaffissuani nunaqarfimmiluunniit allaffeqarfimmi Kiffartuussivimmi inuit allattorsimaffiannut tunniutissavat.

Nunanut allanut nuunnermi immersugassaq uani aajuk.

Kalaallit Nunaanniit Danmarkimut nuukkuit, taava kommunemut nuuffinni nalinginnaasumik nuunninnik nalunaaruteqassaatit.