Akiliisitsiniarnermi Oqartussat

Akiliisitsiniartarfiit Nuna tamakkerlugu nutaamik aaqqissuusaanikkut 01.april 2008  allanngortitserivigineqarput, ataatsimut eqiteruffeqarnissamik inatsisartut aalangernerat tunngavigalugu.

Sisimiuni Akiliisitsiniarnermi Oqartussani sulisut matuma ataani allassimapput.

Tamanna innuttaasunut qanoq kinguneqassava
Innuttaasut suliffeqarfiillu akiliisitsiniartarfiup allaffeqarfianik massakkullu akiliisitsiniartarnermi oqartussani sulisunik naapitsisarnerat ulluinnarni siornatigumut sanilliullugu allannguutit malugingaarnavianngilaat.

Aaqqissuussaanikkulli annertuutigut allannguuteqartoqassaaq
Aprrilip 1-aniit  sulisut allamik sulisitsisortaarput, tassa ulloq taanna aallarnerfigalugu kommunip  sulisitsisoriunnaarlugit, Namminersornerullutik Oqartussat/  Akileraartarnermut aqutsisoqarfik sulisitsisorilermassuk. Taamaalu akiliisitsiniartarneq kommunip suliaqarfinniit avissaartinneqarluni.

Sisimiuni akiliisitsiniartarfiup allaffeqarfia apriilip 1-aniit Akiliisitsiniarnermi Oqartussat-nik  taaguuteqalerpoq, sumiiffimmilu immikkoortortaqarfinnut sisamanut qitiusumik allaffeqarfiulissalluni, ukununnga:

- Kangaatsiami Akiliisitsiniarnermi Oqartussat 
- Aasiaat, Akiliisitsiniarnermi Oqartussat 
- Qasigiannguit, Akiliisitsiniarnermi Oqartussat 
- Qeqertarsuaq, Akiliisitsiniarnermi Oqartussat 

Ataatsimoortumik siunertaq
Nunap ilaani immikkoortortaqarfik, taamatullu allaffeqarfiit ataatsimut anguniagaqassapput, tassa suliassat pilertornerusumik suliariniagarassaralugit, piffissaq sapinngissamik sivikinnerpaaq atorniagassaralugu.

Akiliisitsiniartarnermik suliaqartut siusinnerusukkut namminneq najukkami pissutsinut malinnaalluartuupput, kommunimi ingerlatsivinnut qanimut suleqateqarnermi kingunerisaanik.
Siunissami kommuni nammineerluni akiliisitsiniartartunut paasissutissanik ingerlatitseqqittalersussaavoq, akiliiffissat ullunik qaangiisoqartillugu. Akiliisitsiniartarnermi pisortaasup Marie Louise Olsen-ip oqarneratut; siusinnerusukkut kommunip ingerlatsiviinut assigiinngitsunut nakkutiginnittuuvugut, akiligassat piffissaq eqqorlugu akilerneqartarnissaannik isumaginnittuulluta. Massakkut taamatut atuukkunnaassaagut, kommunillu immikkoortortaasa tamanna isumagisarilissavaat, akiligassat piffissamut akilerneqartarnissaannik nakkutiginnittuulerlutik.