Akiliiffigineqarnerit akiliuteqarnerillu
Kommunimiit /-mullu akiliiffigineqarnerit akiliuteqarnerillu tamarmik, inuinnarnut tunngasut, inuup normua atorlugu nalunaarsugaapput, taamaammat inuttut normuit kommunemi eqqortumik nalunaarsorsimanissaa pingaaruteqarpoq, aningaasat pissatit ilinnut unniunneqarsinnaaqqullugit.

Akiliuteqarninni aamma inuttut normuit nalunaarutiginissaa eqqaamassavat, taamaasilluni kommunip kina sumullu akiliuteqarsimanersoq takusinnaaniassammagu. Peqatigitillugu taamatuttaaq pingaaruteqarpoq, akiliinermi inuup pineqartup akiligassami normua allassimasoq atorneqassammat. Taamaanngippammi akiliineq eqqortumik nalunaarsorneqarsinnaanngimmat.

Qeqqata Kommuniani kommunip innuttaasunut akiliinerpaalussuit tunniuttarpai, kisiannili illit innuttaasutut kommunimiit aningaasanik tunineqartinnak akiitsoqaruit akiligassaqaruilluunniit taakku akiliisitsiniartarfimmiit ilanngaatigineqaqqaassapput.

PBS
Akiliisarnissannik aaqqissuussiniaruit, tassa kommunimut aalajangersimasunik akiliuteqartarnissamik, taava immersugassaq immersussavat, taannalu atorlugu aalajangersimasumik akiliuteqartarnissat iluarsineqassalaq. Immersugassaq taanna kommunep kiffartuussiveqarfiani nunaqarfinniluunniit allaffeqarfinni pisinnaavat.

PBS-ikkut aaqqissuussinerit soorlu meeqqerivinnut allatigulluunniit pisortanut kiffartuussivinnut akiliutitigut iluarsineqarsinnaavoq. Pingaaruteqarporlu PBS-ikkut akiliutit tamarmik inummut pineqartumut nalunaarsorneqarnissaat, assersuutigalugu meeqqerivimmut assigisaanulluunniit akiliuteqartarnissamik nalunaarsimasumut.

Tamanna matuminnga peqquteqarpoq, kommunip inuup normua atorlugu akiliuteqartunik nalunaarsuinerit ingerlaterivai, aammalu meeqqerivimmut nalunaarnerit akiliuteqartartussap inuttut normua nalunaarsugaallutik. Ateq inuullu normua nalunaarsugaasumit allanerusoq atorlugu akiliuteqartoqarpat, taava akiliineq eqqortumik nalunaarsorneqarsinnaanngilaq.

Akiliuteqartarnermut akiliiffigineqartarnermullu paasissutissanik, taamatullu PBS-ikkut akiliuteqartarnissamik aaqqissuussinermut tunngasutigut, annertunerusunik pisariaqartitsiguit, taava kommunimut attaveqarnissannut tikilluaqqusaavutit.