Napparsimanermi ikiorserneqarneq
Aningaasarsiaqarlutit suliffeqaruit napparsimalerlutillu, taava suliffeqanngikkallarnermi ikiorsiissutinik pisinnaanissamut periarfissaqarputit, tassa napparsimanikkut sulisinnaanngitsutut nailiiffigineqaruit.

Nalinginnaasumik ullut pingajuanniit suliffeqanngikkallarnermi ikiorsiissutinik tunniussisoqarsinnaavoq. Pissutsilli immikkut ittut tunngavigalugit tamanna ullormit siullermiit pisinnaasarluni, tamatumunngali tunngasutigut inulerinermik sullissisunnik oqaloqateqarnissat innersuussutigine-qassaaq.

Napparsimanermi suliffeqanngikkallarnermi ikiorsiissutit sapaatip akunneri pingasut tikillugit pisinnaavatit. Taakkuninnga sivisunerusumik napparsimaguit, taava suliaq ilinnut tunngasoq nalilersuiffigineqassaaq, tamatumani kommunemiit pisortatigut ikiorsiissutinik suli pisariaqartitsinersutit nalilersuiffiginiarlugu.

Aamma sulininni ajoqusersimaguit suliffeqanngikkallarnermi ikiorsiissutinik pisinnaanissannut periarfissaqarpoq.

Paasissutissat annertunerusut
Suliffeqanngikkallarnermi ikiorsiissutit pisortatigullu ikiorsiissuteqartarnermut tunngasut saamiup tungaani sammisatigut qulequtat toorlugit iserfigisinnaavatit. Aammattaaq suliffeqanngikkallarnermi ikiorsiissutitigut peqqussut atuarsinnaavat una toorlugu. Pisortatigut ikiorsiissutitigut peqqussut atuarsinnaavat una toorlugu.