Knud Rasmussenip Højskolia inuunerup atuarfianik taaneqartarpoq, Sisimiunilu inissisimalluni. Piffissami maajip qeqqaniit decembarip qeqqata tungaanut pikkorissariarneq assigisaaniluunniit pillugu avataanit aggertunit unnuisarfittut allatulluunniit Højskole atorneqarsinnaavoq. Højskolep illutaata nutaanngitsortaa 1962-imi sanaaneqarpoq, kingornagullu allineqarnikuulluni, taamaalilluni ullumikkut init kisimiittarissat 18-it marluuttarissallu 17-it pigalugit.

Knud Rasmussenip Højskolia pillugu annertunerusumik paasisaqarniaruit nittartagaat alakkaruk: www.krh.gl

 

Danmark-imi efterskolit
Danmark-imut efterskoleriarusuppit, taamaassimappat atuarfissavit ilinnut naleqquttup ujartorneqarnissaanut Qeqqata Kommunianit ikiorneqarlutillu ilitsersorneqarsinnaavutit. Tamatuma saniatigut efterskolernivit nalaani aningaasartuutissat matussuserneqarnissaannut angajoqqaatit qinnuteqarsinnaapput.

Qeqqata Kommuniani Oqaatsinik Pikkorissarfik qinnuteqaatinik suliarinnittarpoq, qinnuteqarnissalli sioqqullugu maannakkut atuarfigisanni ilinniartitsisuvit attaveqarfissamik ujartuininni ikiortussaammatit ilinniartitsisut oqaloqatigeqqaassavat.

Oqaatsinik Pikkorissarfiup nittartagaani ilaatigut Danmark-imi efterskolit efterskolernerlu pillugu paasissutissanik aallerfissaqarpoq. Oqaatsinik Pikkorissarfiup nittartagaa uuma toqqarneratigut takusinnaavat.

Efterskolernissannik qinnuteqarnissat sioqqullugu qinnuteqarnissami ilitsersuut atuaqqaartariaqarpat, taannalu uuma toqqarneratigut pissarsiarisinnaavat.

Højskolerneq
Inuusuttunut 18-it 30-llu akornanni ukiullit Danmark-imi højskolersinnaanissaannik Qeqqata Kommunia periarfissiisarpoq. Højskolini ilaatigut timersorfiusinnaasuni, oqaatsinik ilinniarfiusinnaasuni atuarfiillu kulturikkut ingerlataannut ilinniagassatigullu neqeroorutaannut peqataaffiusinnaasuni.

Højskolernissat pilersaarutigigukku, atuarfiup ilinnut naleqquttup ujartorneqarnissaanut Qeqqata Kommunianit siunnersorneqarnissat ilitsersorneqarnissallu siunertaralugu saaffiginninnissarnik kaammattorpaatit.

Qeqqata Kommuniani kommunip allaffiani ilitsersuisumik oqaloqateqareernivit kingorna, Oqaatsinik Pikkorissarfiup qinnuteqaatit suliarissavaa. Oqaatsinik Pikkorissarfiup nittartagaatigut uuma toqqarneratigut periarfissat pillugu paasissutissat assigiinngitsut atuarsinnaavatit.

Danmarkimi højskolit ataatsimut nittartagaanni atuarfiit ataasiakkaat, taakkulu neqeroorutaat annertunerusumik paasisaqarfigisinnaavatit.