Piareersarfik kommunimi ilitsersuisarfiullunilu ilinniarnermut qitiusuuvoq.
Ilinniartitaanernut suliffissanulluunniit tunngasunik arlaannik oqaloqatiginninniaruit sumiiffinni Piareersarfimmut saaffiginnissinnaavutit.  
Tassani aamma suliffissamik qinnuteqaatinnut pitsaasumik siunnersorneqarsinnaavutit imaluunniit ilinniarnissamut immersugassamut ikiorneqarsinnaallutit. Piareersarfimmi aamma kalaallisut, tuluttut, qallunaatut matematikkimulluunniit pikkorissarsinnaavutit. Ilinniaqqinnissamut fagit ilinnik periarfissiisut.  

Piareersarfik tassaavoq:
- Ilinniagaqalernissamut ilitsersuisarfik ilinniarnissanullu qinnuteqartarfik
- Sulilernissamut suliffissanillu qinnuteqarnermi ilitsersuisarfik
- Kalaallisut, tuluttut, qallunaatut matematikkimilu ilinnut naleqquttumik pikkorissaasarfik
- Piginnaasanik ineriartortitsivik, pikkorissartarfik ilinniaqqiffillu
- Ilinniagaqartut suliffimmillu misiliiffiup akornanni attaveqaataasoq
- Ilinniartut inaannik qinnuteqartarfiit

Attavissat:
Sisimiut: Oqarasuaat (+299) 86 75 44
Maniitsoq: Oqarasuaat (+299) 81 37 48
Kangaamiut: Oqarasuaat (+299) 81 95 85

Uani  Piareersarfimmut qinnuteqaammik pissarsisinnaavutit:
Uani AEU/FA-mut qinnuteqaammik pissarsisinnaavutit - Maniitsoq
Uani AEU/FA-mut qinnuteqaammik pissarsisinnaavutit - Sisimiut

Uanilu ilinniartut inaannut qinnuteqaammik pissarsisinnaavutit

Attaveqarfissat
piareersarfik.nanoq.gl