Aningaasarsiat tapisiallu

Nalinginnaasumik paasissutissiineq 

Kalaallit Nunaanni suliffeqarfiit pisortanit namminersortuniillu ingerlanneqarput. Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput, ilaatigullu namminersortuni atuuttumik. Matuma kinguliani allassimasut pisortat suliassaqarfiannut taamaallaat tunngatinneqarput.

Isumaqatigiissut taamalu aningaasarsiatit Namminersorlutik Oqartussat kattuffivillu akornanni isumaqatigiissutigineqarput. Isumaqatigiissut sorleq malillugu aningaasarsiaqarnersutit apeqqutaatinnagu aningaasarsiatit imaassapput:
• Tunngaviusumik aningaasarsiat
• Tapisiaasinnaasut
• Feeriarnermusiat
• Soraarnerussutisiat

Aningaasarsiat tapisiallu pillugit annertunerusumik paasisaqarusukkuit suliassaqarfimmut soqutigisannut kattuffimmut saaffiginnissinnaavutit imaluunniit suliassaqarfimmi isumaqatigiissut atuarsinnaavat. Isumaqatigiissut sorleq malillugu aningaasarsiaqarnissannut makku apeqqutaapput:
• Atorfiit
• Ilinniakkat
• Qaammammusiaqarnersutit imaluunniit akunnermusiaqarnersutit

Isumaqatigiissut ilinnut tunngasoq suliffinni pissarsiarisinnaavat sulisut sinniisuat attavigineratigut, sulisutut kattuffiit attavigineratigut imaluunniit Naalakkersuisut nittartagaanni pissarsiarisinnaallugu. (danskisut allassimasumut ingerlaqqippoq - danskisut allassimasuani isumaqatigiissutit amerlanerummata)

Tunngaviusumik aningaasarsiat 

Tunngaviusumik aningaasarsiatit makku malillugit aalajangersarneqarput:
• Suliatit
• Ilinniakkat
• Ukiut qassit sulisimanerit

Ilinniarnerpit naammassinerata kingorna inuussutissarsiornermik misilittakkat imaluunniit suliap assingi inuussutissarsiornermik misilittakkat malillugit ukiut qassit sulisimaneq malillugu aningaasarsiatit annertussusilerneqassapput.

Assersuutigalugu suliffimmi ataatsimi ukiuni tallimani sulisimaguit ukiut qassit sulisimaneq malillugu aningaasarsiatit ukiut tallimat sulisimanerit malillugu annertussusilerneqassapput – aamma ukiut tallimat ingerlaneranni suliffimmut nuussimagaluaruilluunniit.

Tapisiat 

Pisortani suliffeqaruit tunngaviusumik aningaasarsiavit saniatigut tapisiaqarsinnaatitaavutit. Tapisiat sorliit pisinnaatitaaneritit isumaqatigiissutinni aalajangersarneqarpoq. Tamatuma saniatigut atorfinnut atasumik tapisiaqarsinnaatitaavutit.

Pisortani suliffeqartut tapisiaat assigiinngitsorujussuupput. Ataatsimut isigalugu tapisiat makku pigineqarput:
• Isumaqatigiissut malillugu tapisiat aalajangersimasut
• Suliamut tapisiat
• Piginnaasat malillugit tapisiat
• Inuttut tapisiat

Piginnaasat malillugit tapisianut aammalu inuttut tapisianut atatillugu sulisitsisoq tapisiaqartitsinissamut itigartitsinissaminut periarfissaqarpoq, aamma naak isumaqaraluarlutit tapisiaqarsinnaatitaasutit.

Isumaqatigiissut malillugu tapisiat aalajangersimasut
Isumaqatigiissut malillugu tapisiat aalajangersimasut tassaapput atorfiit pissutigalugu tapisiat ingerlaannartumik pissarsiarisinnaasatit. Taakku assersuutigalugu tassaasinnaapput:
• Aqutsisutut tapisiat, aqutsisutut atorfeqaruit
• Suliartoqquneqaratarsinnaanermut tapisiat, suliartoqquneqaratarnissannut atorfinni pisussaatitaaguit imaluunniit immikkut aningaasarsiaqartinneqarnak sulinissannut pisussaatitaaguit

Isumaqatigiissut malillugu tapisiat atorfimmi atorfinitsinneqarninnut atatillugu isumaqatigiissutigineqartarnerat nalinginnaasuuvoq.

Suliamut tapisiat
Suliamut tapisiat tassaapput tapisiat suliassanik aalajangersimasunik isumagisaqarlutit pissarsiarisinnaasatit. Taakku assersuutigalugu tassaasinnaapput:
• Oqaluttaanermut tapisiat, oqalutsitut atorfeqanngikkaluarlutit akuttunngitsumik oqaluttaasaruit
• Piareersimasuulluni sulinermut tapisiat, assersuutigalugu isumaginninnermi siunnersortitut piareersimasutut suleqqusaaguit

Suliamut tapisiat atorfinni atorfininninnut atatillugu isumaqatigiissutigineqartarnerat nalinginnaasuuvoq, aammali ingerlaavartumik isumaqatiginninniutigineqarsinnaallutik, assersuutigalugu atorfiup imarisai allanngorneqarpata.

Piginnaasat malillugit tapisiat
Piginnaasat malillugit tapisiat tassaapput inuttut piginnaasatit tunngavigalugit pissarsiarisinnaasatit. Taakku assersuutigalugu tassaasinnaapput:
• Allaffimmi fuldmægtigitut atorfeqaruit aammalu Ammaassisoq aqqutigalugu ilinniaqqissimaguit
• Peqqinnissami ikiortitut atorfeqaruit aammalu qinnguartaasartumut ikiortitut ilinniaqqissimaguit

Piginnaasat malillugit atorfimmi atorfinitsinneqarninni isumaqatigiissutigineqartarnerat nalinginnaasuuvoq. Suliassaqarfiilli ilaannut atatillugu pikkorissarnerit ilinniaqqinnerilluunniit naammassisatit ilutigalugit piginnaasat malillugit aamma tapisiaqarsinnaavutit. Tamanna suliassaqarfimmut isumaqatigiissummi takuneqarsinnaavoq, tassa tapisiaqalernissamut periarfissat suunerat.

Inuttut tapisiat
Inuttut tapisiat tassaapput tapisiat inuttut suliatit piginnaanitilluunniit aallaavigalugit pissarsiarisinnaasatit. Taakku assersuutigalugu tassaasinnaapput:
• Attassiinnarnissamut tapisiat
• Tapisiat agguaanneqartussat
• Atorfimmut immikkut ittumut tapisiat

Isumaqatigiissutit ilaannaat inuttut tapisiaqarnissamut periarfissiipput. Taamaattoqartillugu inuttut tapisiat ingerlaavartumik isumaqatiginninniutigineqartarnerat nalinginnaasuuvoq.

Soraarnerussutisiat 

Tunngaviusumik aningaasarsiatit soraarnerussutisiassartaqarput aammalu tapisiatit taama inissisimasinnaallutik. Tamanna isumaqarpoq illit sulisitsisuillu soraarnerussutisiassanut akiliutigisartagaat tunngaviusumik aningaasarsiatit immaqalu tapisiat soraarnerussutisiassaqartut aallaavigalugit naatsorsorneqassapput.

Soraarnerussutisiassat aningaasarsiat ilaata procentianik naatsorsorneqartarput aammalu suliassaqarfinnut isumaqatigiissummi takusinnaavatit procentit suliassaqarfinnut atuuttut.

Pisortani sulisunut soraarnerussutisialinnut atugassarititaasut pillugit paasissutissat atuakkit
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl