Pissassarfimmit siunnersuineq

Nalinginnaasumik paasissutissiineq 

Pissassarfik innarluutilinnut tunngasunik siunnersuisarpoq. Siunertaavoq, illit, kommuninni sullissisut, qanigisatillu innarluuteqatunut tunngatillugu, ilinniarsimasunit piukkunnaatilinnit siunnersortissinnaanissarsi.

Mailikkut, oqarasuaatikkut imaluunniit nammineq saaffiginninnikkut siunnersortissinnaavutit.

Suleqatigiinni timimik sungiusaasoqarpugut, pillorissaasoqarpugut, tarnip pissusiinik ilisimasalittaqarpugut, oqallorissaasoqarpugut perorsaasoqarlutalu. Innarluutilinnut tunngasunik ukiunik arlalinnik misilittagaqarpugut, aammalu inunnut innarluutilinnut periarfissaasut siammasissumik ilisimasaqarfigalutigit.

Ass. uku pillugit siunnersuillutalu ilitsersuisinnaavugut:
  • Uanga/meerara Pissassarfimmi pissassariarnissara/-nissaa naleqquppa?
  • Sumut ikiortissarsiorsinnaavunga?
  • Tarnikkut, timikkut, oqalunniarnikkullu innarluutinut tunngatillugu, naliginnaasumik siunnersuineq
  • Attaveqaatigiiaanik pilersitsineq (najukkamiusinnaallunilu digitalikkuusinnaavoq)
  • Ikiuutit tulluartut – taakkunannga sumut/qanoq qinnutigineqarsinnaanersut
  • Ikiorsiissutinut tunngatillugu naliginnaasumik ilisimasat
  • Isumaginninnermi inatsisit, Innarluutinut malittarisassat immikkut ilisimasaqarfigalugit
Malugiuk
Pissassarfimmit ikiorsiissutinut tunngatillugu aalajangiisoqarsinnaanngilaq, imaluunniit ikiuutinik tunniussisoqarsinnaanani.

Najukkanni kommunerisat ikiorsiissutinik/ikiuutinik aningaasaliissutinik aalajangiisussaatitaavoq.

Siunnersuinerup suussusaa 

Pissassarfik nuna tamakkerlugu inunnut innarluutilinnut sullissiviuvoq, tamanna isumaqarpoq, nunatsinni innuttaasut, sulisullu tamarmik innuttaasunut atassuteqaateqartut, innarluuteqarnermut tunngasunik apeqquteqaateqarlutik saaffiginnissinnaapput.

Siunnersuilluni oqaloqatiginninneq, nalinginnaasumik ilisimatitsinerujuaannassaaq. Tassunga atatillugu siunnersuineq, Pissassarfimmi sulisoq attuumassutilimmit naatsumik oqaloqatigineqartarpoq.

Naatsumik oqaloqatiginninneq naammanngippat, taava pissassarnerussaaq taamaallaallu Pissassarfimmut innersuunneqarnermi anguneqarsinnaalluni. Pissassarfimmut innersuunneqarnissaq kommunimi sullissisut aqqutigalugu pissaaq.

Qanoq akeqarpa? 

Siunnersortinneq akeqanngilaq.

Qanoq siunnersortissaanga? 

E-mailikkut uunga allaffigisinnaavatsigut: pissassarfik@nanoq.gl imaluunniit oqarasuaatikkut uunga sianerfigisinnaavatsigut: 34 50 70. Oqarasuaatikkut attaveqassaguit, taava attaveqarfigineqarnissannut paasissutissanik piumassaagut, kingusinnerusukkullu apeqqutit pillugu, sulisumit suliassamut immikkut ilinniarsimasumit attavigineqarumaarputit.
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iniian@nanoq.gl
Nittartagaq: www.naalakkersuisut.gl
Pissassarfik
Nalunnguarfimmut 4
3911 Sisimiut

Oqarasuaat: (+299) 34 50 70
E-mail: pissassarfik@nanoq.gl

Nammineerlutik saaffiginnittussanut oqarasuaatikkullu attaveqartussanut ammasarpugut:
Ataasinngormermiit Tallimanngornermut nal. 8.00-16.00