Qeqqani MISI

MISI - Meeqqat inuusuttullu pillugit siunnersuisarfiuvoq, perorsaanikkut tarnillu pissusaatigut siunnersuineq. Uku sullitarineqarput: Meeqqat ukioqanngitsuniit 18-it tikillugit ukiullit, angajoqqaat, atuarfiit, meeqqeriviit allallu meeqqanut attuumassuteqartut.

Qeqqani MISI, meeqqat inuusuttullu immikkut pisariaqartitsisunut siunnersuinissamut ilitsersuinissamullu kommunip neqeroorutaatigaa.

Qeqqani MISI ukuninnga sulisoqarpoq: aqutsisoq (tarnip pissusaanik ilisimasalik), tarnip pissusaanik ilisimasalik, immikkut atuartitsinermut siunnersorti / oqallorissaasoq aammalu allaffimmioq.

Meeqqat inuusuttullu atugarissaarnissaannut ineriartornissaannullu pitsaasumik periarfissinnissaat suliniutitta siunertaraa

Sullittakkagut

Meeqqat inuusuttullu immikkut ajornartorsiuteqartut pisariaqartitsisullu pingaarnertut isiginiarneqarput.

Assersuutigalugu:

  • Inuiaqatigiinnut atatillugu ajornartorsiutillit
  • Ineriartornermut atatillugu ajornartorsiutillit
  • Misigissutsikkut ajornartorsiutillit
  • Meeqqat assigiinngitsutigut innarluutillit
  • Oqaatsinik oqalunniarnermillu ajornartorsiutillit.

Inersimasut meeqqanik nakkutiginnittut tassaapput meeqqanut ineriartornissamut pitsaasumik avatangiiseqartitsisussat, taamaattumik atuarfinni meeqqerivinnilu ilisimasalinnut MISI siunnersuinernik ingerlataqarpoq.

Meeqqat assigiinngitsunik pisariaqartitsisarput pissusilersortarlutillu, taamaammat MISI-p ingerlatsinissamut siunnersuinissamullu neqeroorutai assigiinneq ajorput.

MISI-mut siusinnerusumik saaffiginnittoqarpat  meeqqat ajornartorsiutaasa pinngitsoortinneqarnissaanut imaluunniit ikiorneqarnissaanut periarfissaq annertunerussaaq.

Saaffiginninnissaq

Angajoqqaat, atuarfik, meeqqeriviit sunngiffimmi ornittakkallu saaffiginnissinnaapput.

Angajoqqaajusut meeraq pillugu saaffiginninnissaminnut marlunnik periarfissaqarput. Meeqqap meeqqerivianut imaluunniit atuarfianut saaffiginninnikkut, imaluunniit MISI-mut toqqaannartumik saaffiginninnikkut.

Akuersissut

Atuarfiit meeqqeriviillu allat innersuussisinnaapput, innersuussullu angajoqqaat suleqatigalugit kiisalu akuersiteqqaarlugit suliarineqartassalluni.

Attavissaq

Qeqqani MISI
Makkorsip aqq. 6
Oqarasuaat: 86 55 40
email: misi@qeqqata.gl
3911 Sisimiut

Ataasinngornermiit - marlunngorneq – sisamanngorneq - tallimanngornermut                                    nal. 10.00 – 15.00
Pingasunngorneq matoqqavoq.