Nalunnguarfiup Atuarfianut ilinniartitsisunik marlunnik pissarsiorpoq

Ilinniartitsisumik ataatsimik annertusisamik immkkut atuartitsinermi immikkoortortamut pissarsiorpugut. Atuartitsineq atuartitsissutit akimorlugit kiisalu atuartut ataasiakkaarlugit pilersaarusiuullugit ingerlatsisartussamik.
Aamma
AKT-mi ilinniartitsisussamik ataatsimik.
Nalunnguarfiup Atuarfia AKT-mi ilinniartitsissumik atorfimmik pilersitsivoq atuartut pissusilersortarnerinut, attaveqarniarnermut kiisalu meeqqap qanoq atugaqarneranik pitsanngorsaataasumik suliaqartussamik.
A (adfærd / pissusilersorneq): meeqqap qanoq iliortarnera iliuuserisartagaalu
K (kontakt / attaveqarniarneq): meeqqap inuttut pissusilersuutai
T (trivsel / inuttut atukkat): atukkat qanoq innerat, attaveqarnermi qanoq inneq.
AKT-mi ilinniartitsisoq atuartut imminnut pissusilersortarnerinut aaqqiiniutaasunik immikkut iluaqutissatut suliaqartartussaassooq malinnaaffiginninnernik, siunnersuinnernik, ilitsersuinernillu atuartut toqqissisimasumik atuarnermi ilikkakkatigullu ineriartorneranik iluaqutaasussamik.
Inuttut qanoq inneq inooriaatsillu apeqqutaasorujussuupput atuarfimmi ilikkariartornissamut.
AKT-mi ilinniartitsisup immikkoortortat akimorlugit klasseqatigiit ilinniartitsisuinik qanimut suleqateqartarnissani naatsorsuutigissavaa.
Qinnuteqarfissaq kingulleq:
31. oktober 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffillu 

Suliassat akisussaaffiillu:

Nalunnguarfiup Atuarfia:

• 400 missaani atuartoqarpoq.
• 52-nik ilinniartitsisunik aalajangersimasunik atorfitalik.
• 1. klassemiit 10. klasse tikillugu 20-nut agguakkanut klasseqarpoq.
• Immikkut atuartinneqartartut klassit 7-pput.

Akissarsiatigut atorfinitsitaanermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat
aammalu isumaqatigiissutit Naalakkersuisut ilinniartitsisullu kattuffiata IMAK-ip akornanni
isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut
atugassarititaasut annerusumik naapertorlugit pissaaq, taamaattorli tjenestemanditut atorfinissinnaaneq
Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut
periarfissaqarpoq.

Meeqqanik pinerliisimannginnermut uppernarsaat:

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni.

Atorfinitsitsineq piaartumik imaluunniit isumaqatigiinnikkut.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,
oqaaseqaatinik attuumassuteqarsinnaasunillu ilalerlugu tigoreersimassavarput marlunngorneq 31.okt 2017

Qinnuteqaatit uunnga nassiunneqassapput: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Atuarfiup pisortaa: Riikki Grønvold

(+299) 86 43 88

rigr@qeqqata.gl